એક્શન / એકઝાટકે 8 IPS અધિકારીઓને EDએ સમન પાઠવતા અનેક તર્કવિતર્ક, જાણો શા માટે કરાઈ કાર્યવાહી

• પશ્ચિમ બંગાળના 8 IPS અધિકારીઓને ઈડીનું સમન
• આવતા અઠવાડિયે હાજર થવાનું ફરમાન 
• કોલસાની હેરાફેરી કેસમાં ઈડી પૂછપરછ કરવા માગે છે 

એન્ફોર્સમેન્ટ ડિરેક્ટોરેટ (ઇડી)એ પશ્ચિમ બંગાળના આઠ આઇપીએસ અધિકારીઓને સમન્સ જારી કર્યા છે. ઈડી દ્વારા જારી સમન્સમાં તેમને આવતા અઠવાડિયે રુબરુમા હાજર રહેવાનું જણાવાયું છે. ઈડી કોલસા કૌભાંડમા આઈપીએસ અધિકારીઓની પૂછપરછ કરવા માગે છે. આ અધિકારીઓના સમયમાં કોલસા કૌભાંડ બહાર આવ્યું હતું તેમ છતાં પણ તેમણે કોઈ પગલાં ભર્યા નહોતા. 

Coal Scam case | Eight IPS officers of West Bengal, including Sukesh Jain, Gyanwant Singh, Rajib Mishra, Shyam Singh, Selva Murugan, Koteshwar Rao summoned by Enforcement Directorate in Delhi next week.

— ANI (@ANI) August 11, 2022

બંગાળના બે મોટા કેસ ઈડી અને સીબીઆઈની રડારમાં 
બંગાળમાં કેટલાક કૌભાંડોની તપાસ એન્ફોર્સમેન્ટ ડિરેક્ટોરેટ અને સીબીઆઈ દ્વારા કરવામાં આવી રહી છે. જેમાં કોલસાની દાણચોરીનો કેસ અને શિક્ષક ભરતી કૌભાંડનો સમાવેશ થાય છે. ગયા વર્ષે પણ સીબીઆઇએ ત્રણ આઇપીએસ અધિકારીઓને દિલ્હીમાં પૂછપરછ માટે બોલાવ્યા હતા.

ED summons eight West Bengal IPS officers to New Delhi in coal smuggling case: officials

— Press Trust of India (@PTI_News) August 11, 2022

પાર્થ ચેટરજી અને અર્પિતા મુખરજીની ધરપકડ 
શિક્ષકોની ભરતી કૌભાંડની તપાસ કરી રહેલી ઇડીએ તાજેતરમાં પશ્ચિમ બંગાળના પૂર્વ શિક્ષણ પ્રધાન પાર્થ ચેટર્જી અને તેમની સહાયક અર્પિતા મુખર્જીની ધરપકડ કરી હતી. અર્પિતા પાસેથી કરોડો રૂપિયાની રોકડ પણ મળી આવી હતી. કોલકાતાની વિશેષ અદાલતે બંનેને 18 ઓગસ્ટ સુધી ન્યાયિક કસ્ટડીમાં મોકલ્યા હતા. હાજર રહેવા દરમિયાન, વિશેષ પીએમએલએ કોર્ટના ન્યાયાધીશ જીબોન કુમાર સાધુએ ઇડીની વિનંતી પર ચેટર્જી અને મુખર્જીને 14 દિવસની ન્યાયિક કસ્ટડીમાં મોકલ્યા હતા.