ફર્ટિલાઈઝર સ્કેમ મામલે ED દ્વારા રાજસ્થાનના મુખ્યમંત્રી અશોક ગહેલોતના ભાઈ અગ્રસેન ગહેલોતને સમન્સ, મોકલવામાં આવ્યું છે. જેને લઈને CM અશોક ગહેલોતની ચિંતામાં વધારો થયો છે.
અશોક ગહેલોતના ભાઈ અગ્રસેન ગહેલોતને EDનું સમન્સ
ફર્ટિલાઈઝર સ્કેમ મામલે EDએ મોકલ્યું સમન્સ
કોંગ્રેસે સમગ્ર મામલે મોદી સરકાર પર કર્યા આક્ષેપ
ફર્ટીલાઈઝર સ્કેમ મામલે રાજસ્થાનના મુખ્યમંત્રી અશોક ગહેલોતના ભાઈ અગ્રસેન ગહેલોતને ઈડી દ્વારા સમન્સ મોકલવામાં આવ્યું છે. અગ્રસેન ગહલોતને જયપુર એજન્સી સમક્ષ હાજર રહેવા માટે કહેવામાં આવ્યું છે. જેમા ફર્ટિલાઈઝર સ્કેમ મામલે આજે તેમની સાથે પૂછપરછ કરવામાં આવશે.
ગત વર્ષે રેડ કરવામાં આવી હતી
ગત વર્ષે ED દ્વારા ફર્ટીલાઈઝર સ્કેમ મામલે અગ્રસેન ગેહલોચત સાથે જોડાયેલા વિવિધ સ્થળો પર રેડ કરવામાં આવી હતી. તેમને ઈડી સમક્ષ પણ સમન્સ પાઠવવામાં આવ્યું હતું પણ એજન્સી સમક્ષ અશોક ગેહલોતના ભાઈ હાજર નહોતા રહ્યા.
ઉચ્ચ ન્યાયાલયે ધરપકડ પર રોક લગાવી
ઈડીના અધિકારીઓએ જોધપુર રાજસ્થાનના 6, પશ્ચિમ બંગાળમાં પણ 2, ગુજરાતમાં 4 અને દિલ્હીમાં એક સ્થળે રેડ કરી હતી. સમંગ્ર મામલે રાજસ્થાનના ઉચ્ચ ન્યાયાલયે ગત સપ્તાહે અગ્રસેન ગહલોતનની ધરપકડ પર રોક લગાવી હતી. સાથેજ કહ્યું હતું કે તેઓ ઈડીની તપાસમાં તેમનો સહયોગ આપે.
કોંગ્રેસે મોદી સરકાર પર કર્યા ગંભીર આક્ષેપ
ઉલ્લેખનીય છે કે આ સમગ્ર મામલે કોંગ્રસે દ્નારા એવા આરોપ લગાવામાં આવી રહ્યા છે કે કેન્દ્રમાં સત્તાધારી પાર્ટી દ્વારા રાજસ્થાનના મુખ્યમંત્રીની નજીકના લોકોને ટાર્ગેટ કરવામાં આવી રહ્યા છે. ભાજપે ગહેલોતના ભાઈ પર 2007 થી 2009 વચ્ચે સબસિડી મામલે આરોપ લગાવ્યા હતા.જો કે સમયે યુપીએ સરકાર સત્તામાં હતી.