સમન્સ / શિવસેના સાંસદ સંજય રાઉતને ફરી વખત ED નું તેડું, જમીન કૌભાંડમાં પૂછપરછ માટે આવતીકાલે થવું પડશે હાજર

• શિવસેના સાંસદ રાઉતને EDનું તેડું
• આવતીકાલે 11 વાગે થવું પડશે હાજર 
• મની લોન્ડરિંગ કેસમાં પૂછપરછ માટે સમન્સ

એન્ફોર્સમેન્ટ ડિરેક્ટોરેટ (ED) એ શિવસેનાના નેતા અને સાંસદ સંજય રાઉતને મની લોન્ડરિંગ કેસમાં પૂછપરછ માટે સમન્સ પાઠવ્યા છે. આમ શિવસેનાના સંજય રાઉતને એન્ફોર્સમેન્ટ ડિરેક્ટોરેટ દ્વારા ગઈ કાલે બીજી વખત મની લોન્ડરિંગ તપાસના સંબંધમાં સમન્સ મોકલવામાં આવ્યા છે.

Enforcement Directorate (ED) summons Shiv Sena MP Sanjay Raut in a money laundering case. He has been asked to report to the ED office at 11am tomorrow.

(File Pic) pic.twitter.com/a6pNcnwGph

— ANI (@ANI) July 19, 2022

આવતીકાલે 11 વાગે થવું પડશે હાજર 

સંજય રાઉતને આવતીકાલે સવારે 11 વાગ્યે પત્ર ચાલ કેસમાં પૂછપરછ માટે બોલાવવામાં આવ્યા છે. આ અગાઉ પણ સંજય રાઉતને ED દ્વારા સમન્સ જારી કરીને બોલાવવામાં આવ્યા હતા અને તેમનું નિવેદન નોંધવામાં આવ્યું હતું.

અગાઉ 10 કલાક સુધી થઈ હતી પૂછપરછ 

તેમની છેલ્લીવાર 1 જુલાઈએ લગભગ 10 કલાક સુધી પૂછપરછ કરવામાં આવી હતી. આ કેસ મુંબઈમાં પાત્રા ચોલ નામના હાઉસિંગ કોમ્પ્લેક્સના પુનઃવિકાસમાં કથિત કૌભાંડ સાથે સંબંધિત છે. એપ્રિલમાં એન્ફોર્સમેન્ટ ડિરેક્ટોરેટે આ કેસના સંબંધમાં સંજય રાઉતની પરિવારની મિલકતો જપ્ત કરી હતી.

આપને જણાવી દઈએ કે, ગત મહિને પણ ઈડીએ સંજય રાઉતની અમુક સંપત્તિઓ જપ્ત કરી હતી.ED આ અગાઉ શિવસેના નેતાના તેમના અલીબાગમાં એક પ્લોટ અને દાદરમાં એક ફ્લેટને ટાંચમાં લીધો છે. ઈડી રાઉત ઉપરાંત તેમની પત્ની સાથે પણ પૂછપરછ કરી ચુકી છે.