ED ઈ-કોમર્સની મોટી કંપનીઓ ફ્લિપકાર્ટ અને એમેઝોન.ડોટ ઈંક પર ઘણા વર્ષોથી વિદેશી રોકાણ કાયદાના ઉલ્લંઘનની તપાસ કરી રહ્યું છે.
ફ્લિપકાર્ટના ફાઉન્ડર્સ પર લાગી શકે છે દંડ
વિદેશી રોકાણ કાયદાના ઉલ્લંઘનનો છે આરોપ
નોટિસનો જવાબ આપવા માટે લગભગ 90 દિવસનો સમય
EDએ દેશની સૌથી મોટી ઈ-કોમર્સ કંપની ફ્લિપકાર્ટ અને તેના ફાઉન્ડર્સ સચિન બંસલ અને બિન્ની બંસલ પર 10,000 કરોડ રૂપિયાનો દંડ લગાવવાની ચેતાવણી આપી છે. તેના પર વિદેશી રોકાણ કાયદા (Foreign Investment Laws)ના ઉલ્લંઘનનો આરોપ લાગ્યો છે. રિપોર્ટ અનુસાર EDએ ફિલ્પકાર્ટ અને તેના ફાઉન્ડર્સને કારણ આપવા માટેની નોટિસ ફટકારવામાં આવી છે. ફિલ્પકાર્ટ અને અન્યની પાસે નોટિસનો જવાબ આપવા માટે લગભગ 90 દિવસનો સમય છે.
વિદેશી રોકાણ કાયદાના ઉલ્લંઘનની તપાસ
જણાવી દઈએ કે ED ઈ-કોમર્સની મોટી કંપનીઓ ફ્લિપકાર્ટ અને એમેઝોન.ડોટ ઈંક પર ઘણા વર્ષોથી વિદેશી રોકાણ કાયદાના ઉલ્લંઘનની તપાસ કરી રહ્યું છે. જે મલ્ટી બ્રાન્ડ રિટેલને કડક રીતે રેગ્યુલેટ કરે છે અને આવી કંપનીઓને સેલર્સ માટે માર્કેટપ્લેસ સંચાલન માટે પ્રતિબંધિત કરે છે.
ઈડીના અધિકારે જણાવ્યા અનુસાર આ મામલો આરોપીની તપાસ સંબંધિત છે કે ફ્લિપકાર્ટે વિદેશી રોકાણને આકર્ષિત કર્યું અને એક સંબંધિત પાર્ટી, ડબ્લ્યુએસ રિટેલ, પછી ઉપભોક્તાઓને પોતાની શોપિંગ વેબસાઈટ પર સામાન વેચવા દિધા જે કાયદાકીય રીતે ખોટું છે.
જાહેર કરવામાં આવી નોટિસ
એક કારણ જણાવવા માટેની નોટિસ જુલાઈની શરૂઆતમાં ચેન્નાઈમાં એજન્સીના કાર્યાલય દ્વારા ફ્લિપકાર્ટ, તેના ફાઉન્ડર્સ સચિન બંસલ અને બિન્ની બંસલની સાથે સાથે વર્તમાન રોકાણ ટાઈગર ગ્લોબલને એવું જણાવવા માટે જાહેર કરવામાં આવ્યું હતું કે તેમના પર 10,000 કરોડ રૂપિયાનો દંડ કેમ ન ફટકારવામાં આવે.