કંપનીનું ભોપાળું / BIG BREAKING : ચાઈનીઝ કંપની Xiaomi સામે EDની મોટી કાર્યવાહી, 5,551 કરોડની રકમ જપ્ત કરી

• શાઓમી ઈન્ડીયા સામે ઈડીની મોટી કાર્યવાહી
• શાઓમી ઈન્ડીયાની 5,551 કરોડની રકમ જપ્ત કરી
• FEMAના નિયમોના ઉલ્લંઘન કરવા બદલ થઈ કાર્યવાહી 

ચાઈનીઝ મોબાઈલ કંપની શાઓમી ઈન્ડીયાની સામે ઈડીએ મોટી કાર્યવાહી કરી છે. એન્ફોર્સમેન્ટ ડિરેક્ટોરેટે (ED) શનિવારે જણાવ્યું હતું કે ફેમાના નિયમોનું ઉલ્લંઘન કરવા બદલ શાઓમી ટેક્નોલોજી ઇન્ડિયા પ્રાઇવેટ લિમિટેડના 5,551.27 કરોડ રૂપિયા જપ્ત કર્યા છે. આ કાર્યવાહી 1999ના ફોરેન એક્સચેન્જ મેનેજમેન્ટ એક્ટની જોગવાઇઓ હેઠળ કરવામાં આવી છે. તપાસ એજન્સીએ જણાવ્યું હતું કે આ નાણાં ચીની સ્માર્ટફોન જાયન્ટના બેંક ખાતાઓમાં હતા અને તેને છીનવી લેવામાં આવ્યા છે.

Funds worth over Rs 5,551 cr of Chinese mobile manufacturing company Xiaomi India "seized" for violating Indian foreign exchange law: Enforcement Directorate

— Press Trust of India (@PTI_News) April 30, 2022

શાઓમી ઈન્ડીયાએ ફેમાના નિયમોનો ભંગ કર્યો-ઈડી
ઈડી દ્વારા બહાર પાડવામાં આવેલા નિવેદન અનુસાર, શાઓમી ઈન્ડીયાએ ફેમાના નિયમોનું ઉલ્લંઘન કર્યું હતું અને તેથી તેની સામે આ કાર્યવાહી કરવામાં આવી છે. એજન્સીએ તપાસના ભાગરૂપે શાઓમી કોર્પોરેશનના ભૂતપૂર્વ ભારતીય વડાને સમન્સ પાઠવ્યું હતું કે શું કંપનીની વ્યવસાયિક પ્રથાઓ ભારતીય વિદેશી વિનિમય કાયદાઓ સાથે સુસંગત છે કે નહીં તે નક્કી કરવા માટે. ઇડી બે મહિનાથી કંપનીની તપાસ કરી રહી છે. આ સંબંધમાં એજન્સીએ ભારતના પૂર્વ મેનેજિંગ ડાયરેક્ટર મનુ કુમાર જૈનને પૂછપરછ માટે હાજર થવા કહ્યું હતું. 

ED attaches Rs 5551.27 cr of Xiaomi Technology India Pvt Ltd under Foreign Exchange Management Act

Read @ANI Story | https://t.co/d7YUzEUOpl#Xiaomi #ED #FEMA pic.twitter.com/7bW5d4gy7G

— ANI Digital (@ani_digital) April 30, 2022

કંપની ભારતીય કાયદાઓનું પાલન કરવા બંધાયેલી-શાઓમી ઈન્ડીયા 
શાઓમીએ  જણાવ્યું હતું કે, કંપની તમામ ભારતીય કાયદાઓનું પાલન કરે છે અને "તમામ નિયમોનું સંપૂર્ણ પાલન કરે છે". "અમે અધિકારીઓને તેમની ચાલુ તપાસમાં સહકાર આપી રહ્યા છીએ જેથી ખાતરી કરી શકાય કે તેમની પાસે તમામ જરૂરી માહિતી છે.