EDનો ખુલાસો / VIVOએ દેશમાં મોટો ખેલ પાડ્યો, ટેક્સ ભર્યા વગર બારોબાર 62,476 કરોડ ચીનને મોકલી દીધા

• ચીનની સ્માર્ટફોન કંપની વીવો પર ઈડીના દરોડા
• ઈડીને મળ્યું  465 લાખનું ફંડ, 75 લાખ રોકડા અને 2 કિલો સોનું 
• વીવીએ ટેક્સથી બચવા ભારત બહાર મોકલ્યાં 62,476 કરોડ 

એન્ફોર્સમેન્ટ ડિરેક્ટોરેટ (ઇડી)એ સ્માર્ટફોન બનાવતી ચીની કંપની વીવો અને તેની સાથે સંકળાયેલી 23 કંપનીઓ પર દરોડા પાડ્યા હતા. દરોડા દરમિયાન ઈડીએ  465 કરોડ રૂપિયાનું ફંડ, 73 લાખ રૂપિયા રોકડા અને 2 કિલો સોનું જપ્ત કર્યું હતું. 

Raids on Vivo: ED seizes funds of Rs 465 crore, Rs 73 lakh in cash and 2 kg gold under anti-money laundering law

— Press Trust of India (@PTI_News) July 7, 2022

વિવોએ ટેક્સથી બચવા ચીનને 62,476 કરોડ રૂપિયા મોકલ્યા 

એન્ફોર્સમેન્ટ ડિરેક્ટોરેટે એવો ચોંકાવનારો ખુલાસો કર્યો છે કે વિવોએ ટેક્સથી બચવા માટે ચીનને 62,476 કરોડ રૂપિયા મોકલ્યા હતા. ઇડીએ કહ્યું કે વિવો ઇન્ડિયાએ અહીં ટેક્સની જવાબદારીથી બચવા માટે પોતાના કુલ બિઝનેસના લગભગ 50 ટકા એટલે કે 62,476 કરોડ રૂપિયા વિદેશમાં મોકલ્યા છે. કેન્દ્રીય તપાસ એજન્સીએ કહ્યું કે, વિવો ઇન્ડિયાએ પોતાની આવકનો મોટો હિસ્સો માત્ર ચીનને જ નહીં પરંતુ કેટલાક અન્ય દેશોને પણ મોકલ્યો છે, જેથી ભારતમાં ટેક્સ ભરવાથી બચી શકાય. વિદેશમાં મોકલવામાં આવેલી રકમ 62,476 કરોડ રૂપિયા છે જે તેના ટર્નઓવરના લગભગ અડધા છે.

વિવો સામે ચાલી રહી છે મની લોન્ડરિંગની તપાસ
ઉલ્લેખનીય છે કે ઈડી વિવો કંપની સામે મની લોન્ડરીંગની તપાસ ચલાવી રહી છે. ઈડીનો આરોપ છે કે  વિવો ઇન્ડિયાના કર્મચારીઓએ તેના સર્ચ ઓપરેશન દરમિયાન સહકાર આપ્યો ન હતો અને ભાગીને ડિજિટલ ઉપકરણોને છુપાવવાનો પ્રયાસ પણ કર્યો હતો. જો કે, એજન્સીની સર્ચ ટીમોને આ ડિજિટલ માહિતી મેળવવામાં સફળતા મળી હતી.