Vivo કંપનીના ડાયરેક્ટર Zhengshenou અને Zhang Jie સાથે પૂછતાછ કરવાની હતી પણ હાલ આ બંને દેશ છોડીને ફરાર થઈ ગયા છે
Vivo કંપનીની મુશ્કેલીઓમાં વધારો થઈ રહ્યો છે
Vivo કંપનીના ડાયરેક્ટર દેશ છોડીને ભાગી ગયા
વીવો પર ઘણા પૈસા વિદેશ પણ મોકલી આપવાનો પણ આરોપ
ચીની કંપની વીવો પર મુસીબતના વાદળો મંડરાય રહ્યા છે. ધીરે ધીરે આ તેના પર મુસીબતો વધતી રહે છે એવામાં જ્યારથી ચીની કંપની Vivo પર એન્ફોર્સમેન્ટ ડિરેક્ટોરેટ (ED)એ પોતાની પકડ મજબૂત કરી છે ત્યારથી Vivo કંપનીની મુશ્કેલીઓમાં વધારો થઈ રહ્યો છે. હાલ એવી ખબર આવી રહી છે કે Vivo કંપનીના ડાયરેક્ટર Zhengshenou અને Zhang Jie બંને દેશ છોડીને ભાગી ગયા છે. એવું કહેવામાં આવી રહ્યું છે કે બંને તપાસના ડરને કારણે નાસી છૂટ્યા છે.
તમને જણાવી દઈએ કે Vivo કંપની પર ભારતમાં મોટા સ્તરે હેરાફેરી કરવાનો આરોપ લાગ્યો હતો. તેને કારણે જ મંગળવારે ED એ વીવોના દિલ્હી, ઉતર પ્રદેશ, મેઘાલય, મહારાષ્ટ્ર સહિત દેશના કુલ 44 સેન્ટર પર છાપેમારી કરી હતી. જ્યારે છાપેમારી કરવાંઆ આવી હતી ત્યારે Zhengshenou કે Zhang Jie કોઇ મળ્યું નહતું અને તેના કારણે જ આ ચર્ચાએ જોર પકડ્યો છે કે બંને ડિરેક્ટર દેશ છોડીને નાસી છૂટ્યા છે.
જો કે હાલમાં દિલ્હી પોલીસના ઈકોનોમી ઓફેન્સ વિંગએ જમ્મુ-કાશ્મીર સ્થિત વીવોના એક ડિસ્ટ્રિબ્યુટર સામે કેસ દર્જ કર્યો છે. એવો આરોપ હતો કે થોડા ચીની નાગરિકો કંપનીના શેર હોલ્ડર હતા અને એમને તેમની ઓળખાણ માટે નકલી દસ્તાવેલ જમા કરાવ્યા હતા. એટલા માટે હાલ ઇડીને શંકા છે કે આવા ઘણા નકલી દસ્તાવેજ પર બીજી ઘણી શેલ કંપનીઓ બનાવવામાં આવી હશે અને પૈસાની હેરાફેરી કરવાં આવી હશે. સાથે વીવો પર એ પણ આરોપ લાગ્યા ચએ કે એમને ઘણા પૈસા વિદેશ પણ મોકલી દીધા છે.
આ વિશે પૂછતાછ Vivo કંપનીના ડાયરેક્ટર Zhengshenou અને Zhang Jie સાથે કરવાની હતી પણ હાલ આ બંને દેશ છોડીને ફરાર થઈ ગયા છે એવી ખબર સામે આવી રહી છે. વીવો પહેલા ઇડી એ બીજી ઘણી ચીની કંપનીઓ પર કાર્યવાહી કરી છે. ગયા વર્ષે IT વિભાગે Xiaomi, Oppo અને Vivo ના ડિસ્ટ્રિબ્યુટર પર દરોડા પાડવામાં આવ્યા હતા. સાથે જ આરોપ લાગ્યો હતો કે ટેક્સ નિયમોનું યોગ્ય રીતે પાલન કરવામાં નહતું આવતું.