જમ્મુ-કાશ્મીર ક્રિકેટ કૌભાંડ કેસમાં એન્ફોર્સમેન્ટ ડિરેક્ટોરેટ (ઇડી) એ પૂર્વ મુખ્યમંત્રી ફારૂક અબ્દુલ્લાની સંપત્તિ જપ્ત કરી લીધી છે. ઇડી દ્વારા જેકે ક્રિકેટ એસોસિએશનના ભંડોળ કૌભાંડમાં 2 મકાનો, 3 પ્લોટ અને ફારૂક અબ્દુલ્લાને લગતી સંપત્તિ જોડવામાં આવી છે. તેની કિંમત બજારમાં આશરે 12 કરોડ રૂપિયા કહેવામાં આવી રહી છે.
મની લોન્ડ્રિંગ કેસ
જમ્મુ-કાશ્મીરના પૂર્વ CM ફારૂક અબ્દુલ્લા પર કાર્યવાહી
12 કરોડની સંપત્તિ EDએ કરી જપ્ત
ઉલ્લેખનીય છે કે, જમ્મુ-કાશ્મીરના પૂર્વ મુખ્યમંત્રી અને નેશનલ કોન્ફરેન્સના નેતા ફારૂક અબ્દુલ્લાના જેકે ક્રિકેટ એસોસિએશનના ભંડોળ કૌભાંડમાં એન્ફોર્સમેન્ટ ડિરેક્ટોરેટ દ્વારા કબજે કરેલી એક સંપત્તિ શ્રીનગરના ગુપકાર રોડ પર સ્થિત છે. જ્યારે દરેક મિલકત જમ્મુના તન્માર્ગ અને ભટિંડીની કાટીપોરા તહસિલમાં શામેલ છે. આ ઉપરાંત શ્રીનગરના રેસિડેન્સી રોડ વિસ્તારમાં એક કોમર્સીયલ પ્રોપર્ટી પણ છે.
ઇડીએ પૂછપરછ માટે ફારૂક અબ્દુલ્લાને બોલાવ્યા
આ પહેલા જમ્મુ-કાશ્મીર ક્રિકેટ એસોસિએશનના ફંડમાં કથિત હેરાફેરી મામલે નેશનલ કોન્ફ્રેન્સના નેતા અને પૂર્વ મુખ્યમંત્રી ફારૂક અબ્દુલ્લા એન્ફોર્સમેન્ટ ડિરેક્ટોરેટની ઓફિસમાં પૂછપરછ કરવા ગયા હતા. ઇડી દ્વારા પૂછપરછ માટે નોટિસ ફટકાર્યા બાદ ફારૂક ઓફિસ ગયા હતા. જો કે, નેશનલ કોન્ફરન્સે ઇડીની નોટિસ પર નારાજગી વ્યક્ત કરી અને આક્ષેપ કર્યો કે તે અવાજને દબાવવાનો પ્રયાસ છે.
The attached properties include three residential houses, one at Gupkar Road, Srinagar; one at Tehsil Katipora, Tanmarg, & one at Bhatindi in Jammu); commercial buildings at posh Residency Road area of Srinagar: ED https://t.co/MhbNetJ0pz
લગભગ 43.69 કરોડની ઉચાપત કરવામાં આવી હોવાનો થયો છે ખુલાસો
હેરાફેરીના મામલામાં ઇડીએ આ પહેલા ફારુક અબ્દુલ્લાની 6 કલાક પૂછપરછ કરી હતી. જમ્મુ કાશ્મીર ક્રિકેટ એસોસિએશનમાં કથિત 113 કરોડની કૌભાંડનો મામલો ખૂબ જૂનો છે. એવા આરોપો છે કે લગભગ 43.69 કરોડની ઉચાપત કરવામાં આવી હતી અને આ નાણાં ખેલાડીઓ પર પણ ખર્ચ કરાયા ન હતા.
પહેલા આ તપાસ જમ્મુ-કાશ્મીર પોલીસ કરી રહી હતી
પહેલા આ તપાસ જમ્મુ-કાશ્મીર પોલીસ કરી રહી હતી, પરંતુ બાદમાં કોર્ટે તેને સીબીઆઈને સોંપી દીધી હતી. જો કે, પાછળથી આ સમગ્ર મામલામાં, ઇડી પણ દાખલ કરવામાં આવી હતી, કારણ કે આ કેસ મની લોન્ડરિંગ સાથે જોડાયો હતો.