અગાઉ સર્વિસ ટેક્સના મુદ્દે પણ ધર્મદેવ ઈન્ફ્રાસ્ટ્રક્ચર વિવાદમાં આવી હતી, હાલમાં સંચાલક ઉમંગ ઠક્કર સામે તપાસ ચાલી રહી છે.
અમદાવાદના જાણીતા ધર્મદેવ ઈન્ફ્રાસ્ટ્રક્ચર ઉપર દરોડા
મોટી લોન લીધા બાદ રિપેમેન્ટના મુદ્દે રેડની શકયતા
સંચાલક ઉમંગ ઠક્કર સામે તપાસ ચાલી રહી છે
હાલમાં બેન્કમાંથી લોન લઈ ન ભરપાઇ કરવાનો ટ્રેન્ડ ચાલી રહ્યો છે. કોઈ બેન્ક પાસેથી લોન લઈ વિદેશ ફરાર થઈ જાય છે તો કોઈ ખોટી કંપનીઓ બનાવી લોન નાદાર જાહેર થઈ જાય છે. તો અમુક ભેજાબાજ લોકો કેન્સલ થયેલા પ્રોજેક્ટ માટે સબસીડરી કંપનીઓ દ્વારા લોન લઈ છે. અને આવું જ કાઈક અમદાવાદ જાણીતા ધર્મદેવ ઈન્ફ્રાસ્ટ્રક્ચર લિમિટેડ નામની કંપનીએ કર્યું છે. મોટી લોન લીધા બાદ રિપેમેન્ટના મુદ્દે રેડ ધર્મદેવ ઈન્ફ્રાસ્ટ્રક્ચર પર EDના દરોડા પડ્યા છે.
મસમોટી લોન લીધા બાદ રિપેમેન્ટ ન ભર્યું?
અમદાવાદના જાણીતા ધર્મદેવ ઈન્ફ્રાસ્ટ્રક્ચર ઉપર ઈડીએ છાપેમારી કરી છે આ દરોડાનું કારણ મોટી લોન લીધા બાદ રિપેમેન્ટ ન ભરવા મુદ્દે હોઈ શકે છે. અગાઉ સર્વિસ ટેક્સના મુદ્દે પણ ધર્મદેવ કંપની વિવાદમાં આવી હતી, આ વખતે કેન્સલ થયેલા પ્રોજેક્ટ માટે સબસીડરી કંપનીઓ દ્વારા આ કંપની લોન લીધી હોવાની શક્યતાઓ છે. જે બાદ ગ્રાહકો પાસેથી સર્વિસ ટેક્સ ઉઘરાવ્યા બાદ સરકારમાં જમા ન કરાવતા કંપની માલિકની પૂછપરછ કરાઇ રહી છે.DHFLમાંથી 1 હજાર કરોડથી વધુની લોન સંચાલક ઉમંગ ઠક્કર દ્વારા લઈ લેવામાં આવી છે. પૂરતી તપાસ વગર જ DHFL દ્વારા લોન પણ આપી દેવામાં આવી હતી જે બાદ DHFL કંપની મોટા ખાડામાં ઉતરી ગઈ હતી અને બાદમાં દેવાળુ ફૂંક્યું હતું, લોનની રકમનું ધર્મદેવ ઈન્ફ્રાસ્ટ્રક્ચર ગૃપ દ્વારા વિદેશમાં રોકાણ કર્યુ હોવાની પણ ચર્ચાઓ થઈ રહી છે.
સમગ્ર મામલે ED દ્વારા ઊંડી તપાસ ચાલુ
1000 કરોડથી વધુની લોન લઈ વિદેશમાં રોકાણ કરવા, ગ્રાહકો પાસેથી સર્વિસ ટેક્સ ઉઘરાવ્યા બાદ સરકારમાં જમા ન કરાવતા, તેમજ પૂરતી તપાસ વગર જ DHFL દ્વારા લોન પાસ કરી દેવા મામલે ED દ્વારા ઊંડી તપાસ ચાલુ કરી દેવામાં આવી છે અને આ કારણસર જ અમદાવાદના જાણીતા ધર્મદેવ ઈન્ફ્રાસ્ટ્રક્ચર પર EDએ દરોડા પાડયા છે. સંચાલક ઉમંગ ઠક્કરની ગહન પૂછપરછ કરાઇ રહી છે. સમગ્ર મામલે મોટુ ફુલેકું ફેરવાના એંધાણ છે. ઈડીની તપાસમાં મોટા ખુલાસા થાય તેવી શક્યતા છે. શું સમગ્ર મામલે કોઈ મોટા માથાની સંડોવણી છે નહીં તે તો આવનાર સમયમાં ખબર પડશે.