તિહાડ જેલની અંદર અત્યાર સુધીની સૌથી મોટી ખંડણી વસુલનારા આરોપી સુકેશ ચંદ્રશેખર અને ફિલ્મ અભિનેત્રી લીના પોલના ચેન્નઈ સ્થિત મકાનમાં એન્ફોર્સમેન્ટ ડિરેક્ટોરેટે રેડ કરી છે.
ફિલ્મ અભિનેત્રી લીના પોલના ચેન્નઈ સ્થિત મકાનમાં EDના દરોડા
EDએ ભારે માત્રામાં રોકડ કરી જપ્ત, 15 વૈભવી કારો કરી જપ્ત
ખંડણી વસુનારા આરોપીના ઘરમાં EDના દરોડા
એન્ફોર્સમેન્ટ ડિરેક્ટોરેટે ઈસ્ટ કોસ્ટ રોડ પર સ્થિત સુકેશના જે મકાનોમાં દરોડા પાડવામાં આવ્યાં છે, આ મકાનની કિંમત કરોડો રૂપિયા જણાવવામાં આવી રહી છે. દરોડા દરમ્યાન કાર્યવાહી કરતી વખતે ઈડીએ ભારે માત્રામાં રોકડ જપ્ત કરી છે અને લગભગ 15 વૈભવી કારો પણ જપ્ત કરી છે..
મહત્વનું છે કે, તાજેતરમાં સુકેશે તિહાડ જેલની અંદર એક મોટા બિઝનેસમેનની પત્ની પાસેથી લગભગ 200 કરોડની ખંડણી વસુલી હતી. જેમાં RBL બેંકના અધિકારીઓ સહિત તિહાડ વહીવટી તંત્રના અમુક લોકોની ધરપકડ કરવામાં આવી હતી.
સ્પેશિયલ સેલે સુકેશની ખંડણીના કેસમાં કરી ધરપકડ
સુકેશની નજીક ગણાતી લીના પોલને ED સતત પૂછપરછ કરી રહી છે. સુકેશની સ્પેશિયલ સેલે ખંડણીના કેસમાં ધરપકડ કરી હતી. જે અત્યારે EOW કસ્ટડીમાં છે. ઉલ્લેખનીય છે કે, સુકેશ AIDMK સિંબલ મામલામાં આરોપી છે અને લાંબા સમયથી જેલમાં બંધ છે.
આરોપી કેસ ઉકેલવાનો કરતો હતો દાવો
આ અગાઉ પોલીસ સુત્રોએ જણાવ્યું હતું કે હાઈ પ્રોફાઈલ ખંડણીખોર સુકેશ જેલથી પણ મોટા-મોટા બિઝનેસમેનના સંપર્કમાં હતો અને ફોન કરીને સુપ્રીમ કોર્ટ, હાઈકોર્ટમાં કેસનો ઉકેલ લાવવાનો દાવો કરીને પૈસા વસુલી રહ્યો હતો. જેલમાં મોબાઈલ ફોન મળ્યાં બાદ જેલ વહીવટી તંત્ર સાથે જોડાયેલા અમુક અધિકારીઓ રડાર પર આવી ગયા છે.