એન્ફોર્સમેન્ટ ડિરેક્ટોરેટે ચાઈનીઝ લોન એપ્લીકેશન પર એક્શન લેતા દેશભરમાં 22 ઠેકાણા પર દરોડા પાડ્યા છે.
ચાઈનીઝ લોન એપ પર ઈડીએ કરી મોટી કાર્યવાહી
દેશભરના અલગ અલગ 22 ઠેકાણા પર દરોડા પાડ્યા
કંપનીઓના ખાતામાં જમા કરોડા રૂપિયા ફ્રીઝ કર્યા
એન્ફોર્સમેન્ટ ડિરેક્ટોરેટે ચાઈનીઝ લોન એપ્લીકેશન પર એક્શન લેતા દેશભરમાં 22 ઠેકાણા પર દરોડા પાડ્યા છે. એજન્સીએ PayTM અને RazorPay સહિત ચાર પેમેન્ટ ગેટવે પ્રોવાઈડ કરનારી કંપનીઓના ખાતામાં જમા કરોડો રૂપિયા ફ્રીઝ કર્યા છે. એજન્સીએ આ દરોડા ફ્રોડમાં સામેલ કંપનીઓ અને પેમેન્ટ ગેટવે પ્રોવાઈડ કરનારી કંપનીઓ પર કર્યા હતા.
ઈડીએ 14 સપ્ટેમબરે દિલ્હી, ગાજિયાબાદ, મુંબઈ, લખનઉ અને ગયામાં ફ્રોડમાં સામેલ કંપનીઓ પર દરોડા કર્યા અને તેની સાથે જ દિલ્હી, ગુરુગ્રામ, મુંબઈ, પુણે, ચેન્નાઈ, હૈદરાબાદ, જયપુર, જોધપુર અને બેંગલુરુમાં PayTM, RazorPay, Easebuzz અને Cashfree સહિત બેંકોની ઓફિસો પર દરોડા પાડ્યા છે.
લોકોને આપવામાં આવી રહી છે લાલચ
એજન્સીએ આ કાર્યવાહી નાગાલેન્ડના કોહિમામાં HPZ Token કંપની વિરુદ્ધ નોંધાયેલ આધાર પર કરી હતી. HPZ Token મોબાઈલ આધારિત લોન એપ્લીકેશન છે, જે બિટકોઈન બનાવતી માઈનિંગ મશીનમાં ઈન્વેસ્ટના નામ પર મોટા નફાની લાલચ આપી લોકોને છેતરી રહી હતી. આ કંપનીએ દાવો કર્યો હતો કે, કંપનીમાં ઈન્વેસ્ટ પર રકમ ડબલ થઈ જશે. તમામ પૈસા પેમેન્ટ ગેટવે દ્વારા લેવામાં આવી રહ્યા હતા. અમુક ભાગ ઈન્વેસ્ટરને આપીને બાકીની રકમ આ પેમેન્ટ ગેટવે દ્વારા બિટકોઈનમાં ફેરફાર કરીને બીજા ખાતામાં ટ્રાંસફર કરવામાં આવી રહ્યા હતા. એટલે કે, લોકો સાથે છેતરપીંડી કરવામાં આવી રહી હતી.
કંપનીઓ કરી રહી હતી છેતરપીંડી
ઈડીએ જ્યારે તપાસ શરુ કરી તો, જાણ્યું કે, HPZ Token ને M/s Lillion Technocab Pvt Ltd અને M/s Shigoo Technology Pvt Ltd ચલાવી રહી છે. Shigooની લિંક કેટલીય બધી ચાઈનીઝ કંપનીઓ પાસેથી છેતરપીંડીમાં સામેલ રહી છે. આ ઉપરાંત એપ આધારિત ઘણી કંપનીઓની જાણ થઈ, જે આવી રીતે ગેમ અથવા લોનના નામ પર લોકો સાથે છેતરપીંડી કરી રહી છે. ઈડીને શક છે કે, આ બધી કંપનીઓ પાછળ ગુરુગ્રામની કંપની M/s Jilian Consultants India Pvt Ltd છે, જેના પર થોડા દિવસ પહેલા SFIO એટલે કે Serious Fraud Investigation Officeએ દરોડા પાડ્યા હતા અને ડાયરેક્ટર Dortseને બિહારના ગયામાંથી ધરપકડ કરવામાં આવ્યો હતો.
વિદેશ મોકલી રહ્યા હતા પૈસા
કંપની પર આરોપ હતો કે, તે ચાઈનીઝ કંપનીઓ સાથે મળીને અહીં પર લોકોની છેતરપીંડી કરી રહી છે અને પૈસાને ડાયવર્ટ કરી વિદેશ મોકલી રહ્યા છે. આ ઉપરાંત Dortse એ નકલી દસ્તાવેજ બનાવી રાખ્યા હતા, જેમાં ખુદ હિમાચલના મંડીનો રહેવાસી હોવાનું બતાવ્યું અને તેના આધાર પર ભારતમાં કંપની રજીસ્ટર્ડ કરાવી.
તેનાથી પોતાની કંપનીમાં કેટલાય નકલી ડાયરેક્ટર બનાવી રાખ્યા હતા. જેમણે આ પૈસા અપાતા હતા અને તેમના નામ પર ખુદ બધું જ મેનેજ કરી રહ્યા હતા. SFIOની તપાસમાં જાણવા મળ્યું છે કે, Dortseએ ભારતમાં નકલી ચાઈનીઝ કંપનીઓને ચલાવી રહી છે અને તેમના દ્વારા પૈસાને ડાયવર્ટ કરી વિદેશમાં મોકલી રહ્યા છે.
ઈડીએ દરોડા દરમિયાન તપાસ સાથે જોડાયેલ કેટલાય મહત્વના દસ્તાવેજ જપ્ત કર્યા અને પેમેન્ટ ગેટવે ખાતામાં જમા 46.67 કરોડ રૂપિયા ફ્રીઝ કર્યા, જેમાં Easebuzz Pvt Ltdના પુણેમાં 33.36 કરોડ, Razorpay Software Pvt Ltdના બેંગલુરુમાં 8.21 કરોડ, Cashfree Payment Pvt Ltdના બેંગલુરુમાં 1.28 કરોડ અને PayTM Payments Service Ltdના દિલ્હીમાં 1.11 કરોડ રૂપિયા સામેલ છે.