જેટ એરવેઝના પૂર્વ CEO નરેશ ગોયલના મુંબઈ સ્થિત ઘરે EDએ દરોડા પાડ્યા છે. બુધવારે EDએ નરેશ ગોયલને સમન્સ પાઠવ્યું હતું. હવે નરેશ ગોયલ વિરુદ્ધ નવો કેસ પણ દાખલ કરવામાં આવ્યો છે. આ દરોડાની કાર્યવાહી મની લોન્ડ્રીંગ મામલે કરવામાં આવી છે.
જેટ એરવેજના પૂર્વ CEO છે નરેશ ગોયલ
EDએ મુંબઈ સ્થિત નરેશ ગોયલના ઘરમાં દરોડા
મની લોન્ડ્રિંગ કેસમાં નરેશ ગોયલના ઘરે દરોડા
નરેશ ગોયલની 19 કંપનીઓની જાણકારી મળી હતી
આ પહેલા EDએ ફેમા (FEMA) હેઠળ કાર્યવાહી કરતા દિલ્હી અને મુંબઈમાં 12 સ્થળોએ તપાસ હાથ ધરી હતી. તે સમયે તપાસ દરમિયાન નરેશ ગોયલની 19 કંપનીઓની જાણકારી મળી હતી. જેમાં 5 કંપનીઓ વિદેશમાં રજિસ્ટર્ડ છે.
EDએ નરેશ ગોયલ સામે નવો કેસ દાખલ કર્યોઃ સૂત્ર
શરૂઆતની તપાસમાં એવું પણ સામે આવ્યું હતું કે નરેશ ગોયલ ટેક્સ બચાવવા માટે ઘરેલુ અને વિદેશ કંપનીઓ વચ્ચે શંકાસ્પદ લેવડદેવડ અને નાંણાને દેશથી બહાર મોકલ્યા છે. સૂત્રોના જણાવ્યાં મુજબ EDએ તપાસ દરમિયાન નરેશ ગોયલની પૂછપરછ પણ કરી હતી. નરેશ ગોયલ વિરુદ્ધ પ્રિવેન્શન ઓફ મની લોન્ડ્રિંગ એક્ટ હેઠળ કાર્યવાહી કરવામાં આવી રહી છે. EDએ નવો કેસ પણ દાખલ કરાવ્યો છે.
પત્ની અનિતા ગોયલ પણ આ કેસમાં આરોપી
નરેશ ગોયલ વિરુદ્ધ મની લોન્ડરિંગ નિવારણ અધિનિયમ (PMLA) હેઠળ પણ કાર્યવાહી કરવામાં આવી રહી છે. EDએ મુંબઈ પોલીસની FIRના આધારે નરેશ ગોયલ સામે નવો કેસ નોંધ્યો છે. મુંબઇ પોલીસે ટ્રાવેલ એજન્સી સાથે છેતરપિંડીના કેસમાં કોર્ટના આદેશ પર આ FIR નોંધી છે. નરેશ ગોયલની પત્ની અનિતા ગોયલ પણ આ કેસમાં આરોપી છે.