INX મીડિયા કેસમાં પૂર્વ ગૃહમંત્રી પી.ચિદંબરમ અને તેમના દીકરા કાર્તિ ચિદંબરમ વિરૂદ્ધ EDએ દિલ્હી કોર્ટમાં 1030 પાનાની ચાર્જશીટ દાખલ કરી છે. મહત્વનું છે કે, અગાઉ INX મીડિયા કેસમાં સીબીઆઈ અને ઈડીએ બે અલગ-અલગ કેસ ફાઈલ કર્યા હતા. ગતવર્ષે પી ચિદંબરમ 106 દિવસ જેલમાં રહ્યા હતા.
દેશના પૂર્વ ગૃહમંત્રી પી.ચિદંબરમ સામે ચાર્જશીટ દાખલ
INX મીડિયા કેસમાં ચાર્જશીટ કરી દાખલ
પી.ચિદંબરમના દીકરા કાર્તિ ચિદંબરમ પર પણ ચાર્જશીટ
ગતવર્ષેના અંતિમ મહિનામાં EDએ INX મીડિયા કેસમાં પી. ચિદંબરમની ધરપકડ કરી હતી. કોર્ટના આદેશ બાદ તેમને તિહાડ જેલમાં મોકલવામાં આવ્યા હતા. ત્યારબાદ તેમની પૂછપરછ કરવામાં આવી હતી. જોકે સુપ્રીમ કોર્ટે રાહત આપતા જામીન મંજૂર કર્યા હતા. પરંતુ આ કેસમાં ફરી તેઓ ફસાયા છે. INX મીડિયા કેસમાં EDએ પી.ચિદંબરમ વિરૂદ્ધ દિલ્હી કોર્ટમાં ચાર્જશીટ દાખલ કરી છે. તેની સાથે તેમના દીકરા કાર્તિ ચિદંબરમ વિરૂદ્ધ પણ ચાર્જશીટ દાખલ કરવામાં આવી છે.
Enforcement Directorate has filed a chargesheet, in INX media case involving former Union Minister P Chidambaram and his son Karti P Chidambaram and others, in a Delhi Court
2007માં પી.ચિદંબરમ જ્યારે નાણાંમંત્રી હતા ત્યારથી INX મીડિયા કેસ ચાલી રહ્યો છે. પી.ચિદંબરમે પીટર-ઈંદ્રાણી મુખર્જીની કંપની INX મીડિયાને મંજૂરી આપી હતી. પી.ચિદંબરમે મંજૂરી આપ્યા પછી INX મીડિયાને માત્ર 5 કરોડના વિદેશી રોકાણની મંજૂરી મળી હતી પરંતુ 305 કરોડનું વિદેશી રોકાણ આવ્યું. મંજૂરીની વિરુદ્ધ INX મીડિયામાં 300 કરોડનું વધારાનું વિદેશી રોકાણ આવ્યું હતું. આ મામલે પી. ચિદંબરમ પર લાંચ લેવાનો આરોપ લગાવ્યો હતો.
કાર્તિ ચિદંબરમ પણ ફસાયા
એજન્સીનો દાવો છે કે આ વિદેશી રોકાણ માટે ચિદંબરમના દીકરા કાર્તિએ લાંચ લીધી હતી. કાર્તિની કંપનીમાં ઈંદ્રાણી-પીટર મુખર્જીએ ફંડ ટ્રાન્સફર કર્યાનો એજન્સીએ દાવો કર્યો છે. કાર્તિએ પિતાની ઓળખથી મુખર્જીની કંપનીને વિદેશમાંથી પૈસા મળવાની પરવાનગી અપાવ્યાનો આરોપ છે.
15મી મે 2017ના દિવસે CBIએ INX મીડિયાનો કેસ પી.ચિદંબરમ સામે દાખલ કર્યો હતો. આજ કેસમાં આગળ EDએ 2018માં મની લોન્ડરિંગનો પણ કેસ કરી દીધો છે. આમ CBI અને EDના સકંજામાં પી.ચિદંબરમ અને તેમનો દીકરો ફસાયો છે.