નોટિસ / કાર્તિ ચિદમ્બરમને EDએ જોર બાગ નિવાસ ખાલી કરવા નિર્દેશ કર્યો

પીએમએલએ (મની લોન્ડ્રિંગ નિવારણ અધિનિયમ)ની એજુડિકેટિંગ ઓથોરિટીએ ગત આદેશ અનુસાર બુધવારે સાંજે આ સંપતિ જપ્ત કરવાની પૂષ્ટિ કરતા ઘરને ખાલી કરવાની નોટિસ આપી છે. ED એ આ અચલ સંપત્તિને ગત વર્ષે 10 ઓક્ટોબરના રોજ અટેચ કરી દીધી હતી.
 

આ અટેચ કરવાની કાર્યવાહીની પુષ્ટિ 29 માર્ચના રોજ કરવામાં આવી હતી, ત્યારબાદ આ ઘરને ખાલી કરવાના નિર્દેશ આપવામાં આવ્યાં હતા.  ઉલ્લેખનીય છે કે આ મામલો વિદેશી નિવેશ સંવર્ધન બોર્ડ (એફઆઇપીબી)ની તરફથી 2007માં INX મીડિયાના 305 કરોડ રૂપિયાનું રોકાણ મેળવવા માટે આપવામાં આવેલી મંજૂરી સાથે જોડાયેલ છે.

ઇડીનો આરોપ છે કે તત્કાલિન નાણાં પ્રધાન પી. ચિદમ્બરમે નિયમોનું ઉલ્લંઘન કરતાં આ અંગે મંજૂરી આપી હતી. જેના બદલે કાર્તિ ચિદમ્બરમને બહુ મોટી રકમ મળી હતી. જો કે ચિદમ્બરમ પરિવાર આ આરોપોને રાજકીય પ્રેરિત હોવાનું બતાવી રહ્યાં છે.