EDએ ગુજરાત અને મહારાષ્ટ્રમાં ABG શિપયાર્ડના 26 સ્થળોએ મોટાપાયે સર્ચ ઓપરેશન હાથ ધર્યું
મહારાષ્ટ્ર અને ગુજરાતમાં EDના દરોડા
ABG શિપયાર્ડ કૌભાંડ મામલે EDના દરોડા
દેશનું સૌથી મોટું બેન્કિંગ કૌભાંડ હોવાની શક્યતા
ગુજરાત અને મહારાષ્ટ્રના 26 સ્થળો પર EDની કાર્યવાહી
દેશના સૌથી મોટા બેંક છેતરપિંડી કેસમાં મની લોન્ડરિંગ તપાસના સંદર્ભમાં રાષ્ટ્રીય તપાસ એજન્સી ઈડીએ મંગળવારે તપાસ શરૂ કરી હતી. અને મુંબઈ, પુણે અને સુરતમાં ABG શિપયાર્ડના 26 સ્થળોએ મોટાપાયે સર્ચ ઓપરેશન હાથ ધર્યું હતું. મહત્વનું છે કે, ગુજરાતના સુરત સ્થિત એબીજી શિપયાર્ડ અને તેના ભૂતપૂર્વ પ્રમોટર્સ પર 28 બેંકોના કન્સોર્ટિયમ સાથે રૂ. 22,842 કરોડની છેતરપિંડી કરવાનો આરોપ છે.
દેશનું સૌથી મોટું બેન્કિંગ કૌભાંડ માનવામાં આવી રહ્યું છે
ઉલ્લેખનીય છે કે, આ મહિનાની શરૂઆતમાં એજન્સીએ શિપિંગ કંપનીના ભૂતપૂર્વ ચેરમેન ઋષિ અગ્રવાલની પૂછપરછ પણ કરી હતી.સૂત્રોના જણાવ્યા અનુસાર “ સર્ચ ઓપરેશનમાં મુંબઈમાં લગભગ 24 સ્થળો અને પુણે અને સુરતમાં એક-એક સ્થળોને આવરી લેવામાં આવ્યા છે. આ તપાસ આવતીકાલે પણ ચાલુ રહેશે.ઈડીને આશંકા છે કે કંપનીના ચોપડેથી પ્રમોટર અને ટોચના અધિકારીઓએ પૈસાની ચોરી કરી છે. ફંડ ડાયવર્ઝન કરીને કંપનીના પૈસા શેલ કંપનીઓમાં ટ્રાન્સફર કર્યા છે.
ABG કંપનીએ 28 બેન્કો પાસેથી લોન લીધી હતી
સૂત્રોના જણાવ્યા અનુસાર ઈડીએ પ્રિવેન્શન ઓફ મની લોન્ડરિંગ એક્ટની વિવિધ કલમો હેઠળ કેસ દાખલ કર્યો છે, મહત્વનું છે કે, ABG પર ICICI બેન્કની આગેવાની હેઠળની IDBI બેન્ક,સ્ટેટ બેન્ક ઓફ ઇન્ડિયા,બેન્ક ઓફ બરોડા, પંજાબ નેશનલ બેન્ક સહિત 28 બેન્કો કન્સોર્ટિયમ સાથે છેતરપિંડી કરવાનો આરોપ છે,