યસ બેંકના સંસ્થાપક રાણા કપૂરની પ્રવર્તન નિદેશાલય (ED) એ ધરપકડ કરી છે. ED એ મોડી રાત્રે ધરપકડ ની કાર્યવાહી કરી છે. ED એ અધિકારીઓએ સતત રાણા કપૂરની પૂછપરછ કરી હતી.
ED ની ટીમે મુંબઇમાં યસ બેંકની ઓફિસે દરોડા પાડ્યા
રાણા કપૂર વિરુદ્ધ 5000 કરોડની હેરાફેરીનો આરોપ
રાણા કપૂર પર પાંચ હજાર કરોડ રૂપિયા મની લોન્ડ્રિંગ સિવાય દિવાન હાઉસિંગ ફાઇનાન્સ કૉર્પોરેશન લિમિટેડ (DHFL) કંપનીને પોતાની રીતે લોન આપવાનો આરોપ છે. ઉલ્લેખનીય છે કે ED એ રાણા કપૂર સાથે જોડાયેલી ત્રણ ઠેકાણાં પર દરોડા પાડ્યા હતા. જ્યારે રાણા કપૂર સિવાય તેની ત્રણ દિકરીઓ રાખી કપૂર ટંડન, રોશની કપૂર અને રાધા કપૂરની પણ EDએ પૂછપરછ કરી છે.
આ અગાઉ ED એ શુક્રવારે મોડી રાતે રાણા કપૂરના વરલી સ્થિત સમુદ્ર મહલ બિલ્ડિંગ તેમના નિવાસ સ્થાન પર દરોડા પાડ્યાં હતા. રાણા કપૂરે શનિવારે બપોરે તેમના દક્ષિણ મુંબઇના બેલાર્ડ પિયર્સમાં આવેલ ED ઓફિસ લઇ જવામાં આવ્યાં હતા. જ્યાં રાણા કપૂરની પૂછપરછ કરવામાં આવી હતી.