ઝારખંડના મુખ્યમંત્રી હેમંત સોરેનના નજીકના લોકો પર ઈડી કડક કાર્યવાહી કરી રહી છે. હવે ઈડીએ રાંચીમાં કથિત ગેરકાયદેસર ખનન સાથે જોડાયેલા મની લોન્ડ્રિંગ મામલે મુખ્યમંત્રી હેમંત સોરેનના ધારાસભ્ય પ્રતિનિધિ પંકજ મિશ્રાની ધરપકડ કરી છે. ઇડીના અધિકારીઓ દ્વારા કલાકોની પૂછપરછ બાદ મિશ્રાની ધરપકડ કરવામાં આવી છે. ઈડીએ 8 જુલાઈના રોજ પંકજ મિશ્રા અને તેના સહયોગીઓ સાથે જોડાયેલા કુલ 19 સ્થળો પર દરોડા પાડ્યાં હતા. મીડિયા રિપોર્ટ અનુસાર, મની લોન્ડરીંગના એક કેસમાં પંકજ મિશ્રાની સામે તપાસ કરી રહેલી એજન્સીએ દાવો કર્યો હતો કે જપ્ત કરાયેલી રકમ સીએમ હેમંત સોરેનના મતવિસ્તાર સાહેબગંજ તથા બીજી જગ્યાએથી કરવામા આવેલી ગેરકાયદેસર કમાણીનો હિસ્સો હતો.
ED arrests Pankaj Mishra, political aide of Jharkhand CM Hemant Soren, on money laundering charges in Ranchi: Officials
પંકજ મિશ્રાના ઠેકાણા પર દરોડા પડાયા હતા
ઈડીએ પંકજ મિશ્રા અને તેના સાથીઓ સાથે જોડાયેલા 19 ઠેકાણાઓ પર સાહેબગંજ, બરહેત, રાજમહેલ અને મિર્ઝા ચોકીઓ પર દરોડા પાડ્યા હતા. દરોડા દરમિયાન ઈડીએ 19 કરોડ રૂપિયા રિકવર કર્યા હતા. ત્યારબાદ ઇડીએ તેમને તપાસમાં જોડાવા માટે બે વાર સમન્સ પાઠવ્યું હતું, પરંતુ સ્વાસ્થ્યના નબળા કારણોનો હવાલો આપીને તેઓ બંને વખત આવ્યા ન હતા. તે મંગળવારે તેના ત્રીજા સમન્સ પર તપાસમાં જોડાયા હતા.
Jharkhand: Pankaj Mishra will be kept at Kotwali Police station tonight. He was brought after the medical test conducted at Sadar Hospital in Ranchi and will be produced in PMLA court tomorrow. pic.twitter.com/O6ENRufWj0
પંકજ મિશ્રા સહિત અન્ય ઘણા આરોપીઓના ખાતા સીલ થયા હતા
આ કેસમાં ઈડીએ પંકજ મિશ્રા સહિત અન્ય ઘણા આરોપીઓના ખાતા સીલ કરી દીધા હતા, જેમાં 36 કરોડ રૂપિયા જમા થયા હતા. ઇડીએ કહ્યું હતું કે આ ભંડોળ પ્રિવેન્શન ઓફ મની લોન્ડરિંગ એક્ટ (પીએમએલએ), 2002 હેઠળ જપ્ત કરવામાં આવ્યું હતું. પંકજ મિશ્રા મુખ્યમંત્રી હેમંત સોરેનના નજીકના લોકોમાં સામેલ છે. આ મામલે ઈડીએ સીએમની નજીક રહેલા આઈએએસ પૂજા સિંઘલ અને તેમના સીએની ધરપકડ કરી લીધી છે.