મની લોન્ડરિંગ કેસમાં ઈડીએ મોટી કાર્યવાહી કરીને આઠ કલાકની પૂછપરછ બાદ મહારાષ્ટ્રના દિગ્ગજ મંત્રી અને એનસીપી નેતા નવાબ મલિકની ધરપકડ કરી છે.
મહારાષ્ટ્રના દિગ્ગજ મંત્રી નવાબ મલિકની ધરપકડ
મની લોન્ડરિંગ કેસમાં EDની મોટી કાર્યવાહી
8 કલાકની પૂછપરછ બાદ ઈડીએ કરી ધરપકડ
મહારાષ્ટ્રના દિગ્ગજ મંત્રી નવાબ મલિક પર મની લોન્ડરિંગનો આરોપ છે. ઈડીએ પૂછપરછ માટે વહેલી સવારે તેમને ઘેરથી ઉઠાવ્યાં હતા અને આઠ કલાક સુધી પૂછપરછ કરી હતી. આઠ કલાકની પૂછપરછને અંતે તેમની ધરપકડ કરી હતી. આ ઘટના બાદ રાજનીતિ ઉગ્ર થવાના એંધાણ છે. નવાબ મલિક પર મની લોન્ડરિંગના ગંભીર આરોપ છે અને ઈડીએ વહેલી સવારે પૂછપરછ માટે તેમને ઘેરથી ઉપાડીને ઓફિસ લાવી હતી અને ત્યાં આઠ કલાક સુધી પૂછપરછના અંતે પુરાવા મળતા ઈડીએ તેમની ધરપકડ કરી લીધી હતી અને તેમને મેડિકલ ટેસ્ટ માટે જેજે હોસ્પિટલ લઈ ગઈ હતી. ઈડી મેડિકલ ટેસ્ટ બાદ નવાબ મલિકને કોર્ટમાં રજૂ કરશે. મલિકની ધરપકડ બાદ રાજનીતિ ઉગ્ર થવાના એંધાણ છે.
દાઉદ ઈબ્રાઈમ સાથે જોડાયેલા છે તાર
નવાબ મલિકના મની લોન્ડરિંગના તાર અંડરવર્લ્ડ ડોન દાઉબ ઈબ્રાઈમ સાથે જોડાયેલા છે અને આ કેસમાં ઈડીએ તેમની આઠ કલાક પૂછપરછ કરી હતી.
ધરપકડ બાદ મલિકે કહ્યું-ઝૂકીશું નહીં
ધરપકડ બાદ નવાબ મલિકે પ્રતિક્રિયા આપતા કહ્યું કે અમે ઝૂકવાના નથી. અંતિમ શ્વાસ સુધી લડી લઈશું.
Enforcement Directorate arrests NCP leader and Maharashtra Minister Nawab Malik in connection with Dawood Ibrahim money laundering case pic.twitter.com/x4AJ0RqpxU
અંડરવર્લ્ડ ડોન દાઉદ ઈબ્રાહિમ દેશમાં હિંસા ફેલાવાની તૈયારી કરી રહ્યું છે અને તેના માટે તેણે એક સ્પેશિયલ યુનિટ પણ બનાવી રાખી છે, જેના માધ્યમથી તે દેશના કોઈ મોટા નેતા અથવા વેપારી પર જીવલેણ હુમલો કરવાની તૈયારી પણ કરી રહ્યા છે. આ જાણકારીના આધારે નેશનલ ઈન્વેસ્ટેીગેશન એજન્સીએ દાઉદ અને તેના નજીકના લોકો વિરુદ્ધ મામલો નોંધાવ્યો છે. હવે જ્યારે આટલું મોટું પ્લાનિંગ થઈ રહ્યું હતુ, તો તેના માટે ઘણાં બધાં રૂપિયા પણ જોઈએ, જે બાદ આ મામલે ઈડીએ અંડરવર્લ્ડ ડોન દાઉદ ઈબ્રાહિમ અને તેના નજીકના સાથીઓ વિરુદ્ધ મની લોન્ડ્રીંગનો મામલો નોંધાવ્યો છે અને આ મામલે ઈડીએ દાઉદના ભાઈ ઈકબાલ કાસકરની ધરપકડ કર્યો છે. જે હાલમાં ઈડીની કસ્ટડીમાં છે.