પશ્ચિમ બંગાળના રાજકારણની હલચલમ વચ્ચે તૃણમુલ કોંગ્રેસના એક નેતાને પ્રવર્તન નિદેશાલય (ED)એ ધરપકડ કરી છે. મની લોન્ડ્રિંગ સાથે જોડાયેલા એક મામલે તૃણમુલ કોંગ્રેસના પૂર્વ રાજ્યસભા સાંસદ કેડી સિંહ (Former TMC MP KD Singh)ની ધરપકડ કરી છે.
તૃણમુલ કોંગ્રેસ (TMC)ના પૂર્વ રાજ્યસભાના સભ્ય કેડી સિંહની પ્રવર્તન નિદેશાલય (ED)એ મની લોન્ડ્રિંગ મામલે ધરપકડ કરી છે. હાલમાં આ અંગે આધિકારીક સૂત્રોએ આ અંગેની જાણકારી આપી છે.
અલકેમિસ્ટ સમૂહના પ્રમુખ કેડી સિંહનો રોજવેલી અને શારદા ચિટફંડ કૌભાંડમાં સામેલ હોવાનો આરોપ લાગ્યો હતો. EDએ કેડી સિંહને પૂછપરછ માટે બોલાવામાં આવ્યાં હતા. લાંબા સમય સુધી પુછપરછ પછી તેના જવાબથી અસંતુષ્ટ થઇને EDએ તેની ધરપકડ કરી છે. ઉલ્લેખનીય છે કે રોજવેલી ચિટફંડમાં EDએ મંગળવારના રોજ કેડી સિંહની અંદાજે સાડા છ કલાક સુધી પુછપરછ કરી હતી.
ED દ્વારા આ અગાઉ પણ કેડી સિંહની સંપત્તિ સીલ કરવામાં આવી હતી. જૂન 2019માં કેડી સિહં સાથે જોડેયાલી કંપનીની 239 કરોડ રૂપિયાની સંપતિ ટાંચમાં લીધી હતી. EDએ 1,900 કરોડ રૂપિયાના કૌભાંડ સાથે જોડાયેલી મની લોન્ડ્રિંગ મામલે તપાસને લઇને આ કાર્યવાહી કરવામાં આવી હતી.
કેડી સિંહની અંદાજે 239 કરોડ રૂપિયાની સંપત્તિ જપ્ત કરવામાં આવી હતી, જેમાં રિસોર્ટ, શો રુમ અને બેંક ખાતા પણ સામેલ હતા. કેડી સિંહની જગ્યાઓ પર ED પહેલા પણ દરોડા પાડી ચૂકી છે.
જ્યારે બીજી તરફ ભાજપના નેતા શુભેંદુ અધિકારીના પિતા તેમજ સાંસદ શિષિર અધિકારીને તૃણમુલ કોંગ્રેસના પૂર્વ મિદનાપુર જિલ્લા અધ્યક્ષ પદ પરથી હટાવામાં આવ્યાં છે. આ પહેલા TMCના શિશિર અધિકારીના દીધા શંકરપુર વિકાસ પ્રાધિકરણ (DSDA)ના અધ્યક્ષ પદ પરથી હટાવી દીધા.