આર્થિક ચિત્ર / બજેટ પહેલા મોટી ખબર, 6.8 ટકા વિકાસ દરનું અનુમાન, FM સીતારામણે સંસદમાં રજૂ કર્યો ઈકોનોમિક સર્વે

• 2023-24માં દેશનો વિકાસ દર રહેશે 6 થી 6.8 ટકા
• નાણા મંત્રી નિર્મલા સીતારામણે રજૂ કર્યો ઈકોનોમિક સર્વે
• આવતીકાલે રજૂ થશે નાણાકીય બજેટ 

સંસદના બજેટ સત્રનો આરંભ થઈ ચૂક્યો છે. આરંભમાં રાષ્ટ્રપતિના અભિભાષણ બાદ નાણા મંત્રી નિર્મલા સીતારામણે સંસદમાં આર્થિક સર્વે રજૂ કર્યો હતો. આર્થિક સર્વે બજેટની એક દિવસ પહેલા રજૂ કરાય છે અને તેમાં ચાલુ વર્ષના વિકાસ દરનું અનુમાન લગાડાય છે. 

Economic survey pegs India's GDP growth at 6-6.8% in FY23-24 pic.twitter.com/AHQxnHfesq

— ANI (@ANI) January 31, 2023

6 થી 6.8 ટકા વિકાસ દર રહેવાનું અનુમાન 
નાણા મંત્રી નિર્મલા સીતારામણે સંસદમાં આર્થિક સર્વેમાં 2023-24માં 6 થી 6.8 ટકા વિકાસ દર રહેવાનું અનુમાન લગાડાયું છે. આર્થિક સર્વે રજૂ થયા બાદ લોકસભા આવતીકાલ 11 વાગ્યા સુધી સ્થગિત કરી દેવાઈ છે. 

આર્થિક સર્વેની ખાસ વાતો 
આર્થિક સર્વેમાં અનુમાન લગાવવામાં આવ્યું છે કે વર્ષ 2022-23માં આર્થિક વિકાસ દર 7 ટકા રહેવાનું અનુમાન છે. ગયા વર્ષે જ્યારે 2021-22 માટે આર્થિક સર્વેક્ષણનો અહેવાલ રજૂ કરવામાં આવ્યો હતો, ત્યારે ભારતીય અર્થવ્યવસ્થા 2022-23 માં 8 થી 8.5 ટકાના દરે વૃદ્ધિ પામશે તેવો અંદાજ હતો. યુક્રેન અને રશિયા વચ્ચે યુદ્ધ અને વૈશ્વિક આર્થિક સંકટના કારણે આર્થિક વિકાસ દર ગયા વર્ષે કરવામાં આવેલા અંદાજ કરતા ઓછો રહી શકે છે. આર્થિક સર્વેમાં કહેવામાં આવ્યું છે કે કોરોના સંકટ દરમિયાન થયેલા નુકસાનની ભરપાઈ કરવામાં આવી છે અને કૃષિ પર ઓછામાં ઓછી અસર કોરોનાથી જોવા મળી છે. ઊંચા ફુગાવાને કારણે ખાનગી રોકાણ બિનઅસરકારક રહ્યું છે. જો કે, કોરોનાને કારણે બે વર્ષ મુશ્કેલ બન્યા છે અને કોરોનાની સાથે મોંઘવારીએ નીતિઓને અસર કરી છે. સપ્લાય ચેઇનથી ફુગાવાનું સંકટ વધ્યું છે અને સરકારે ઇન્ફ્રાસ્ટ્રક્ચર પર ખર્ચ વધાર્યો છે. કોરોનાની સૌથી મોટી અસર સર્વિસ સેક્ટર પર જોવા મળી છે. આર્થિક સર્વેમાં કહેવામાં આવ્યું છે કે એક વખત મહામારીના આંચકા અને રશિયા અને યુક્રેન વચ્ચે ચાલી રહેલા યુદ્ધને કોમોડિટીના ભાવમાં વધારાથી રાહત મળશે તો આગામી દશકોમાં ભારતીય અર્થવ્યવસ્થા ઝડપથી આગળ વધશે. સર્વે અનુસાર ભારતીય અર્થવ્યવસ્થાનો આઉટલૂક પાછલા વર્ષો કરતા સારો છે અને આવનારા સમયમાં અર્થવ્યવસ્થા પોતાની પૂરી ક્ષમતા સુધી વધશે.

Economic survey 2022-23 projects a baseline GDP growth of 6.5% in real terms in FY 24. Economy is expected to grow at 7% (in real terms) for the year ending March 2023, this follows an 8.7% growth in the previous financial year, says Govt of India.

— ANI (@ANI) January 31, 2023

પીએમ મોદીએ સંસદ ભવનની બહાર પત્રકારો સાથે કરી વાતચીત  
સંસદના બજેટ સત્રનો પ્રારંભ થયો છે. મંગળવારે સંસદ ભવનની બહાર પત્રકારો સાથે વાત કરતાં પ્રધાનમંત્રી મોદીએ બજેટને લઈને એક મહત્વનું નિવેદન આપ્યું હતું. પીએમ મોદીએ કહ્યું કે રાષ્ટ્રપતિનું ભાષણ ભારતની બંધારણીય સંસદીય પ્રણાલીનું એક ગૌરવ છે. આજથી બજેટ સત્ર શરૂ થઈ રહ્યું છે. આશાનું કિરણ ઉત્સાહની શરૂઆત લઈ સકારાત્મક અવાજો આવી રહ્યા છે. ભારતના રાષ્ટ્રપતિનું પ્રથમ સંબોધન સમગ્ર દેશ માટે ગૌરવની ક્ષણ છે.

Delhi | Chief Economic Advisor (CEA) Dr V Anantha Nageswaran presents Economic Survey 2023 pic.twitter.com/vQlwCfT5mk

— ANI (@ANI) January 31, 2023

નાણામંત્રી પણ એક મહિલા, વિશ્વની નજર ભારતના બજેટ પર
પીએમ મોદીએ કહ્યું કે આપણા નાણામંત્રી પણ એક મહિલા છે. આવતીકાલે તેઓ બજેટ રજૂ કરવાના છે. આજના વૈશ્વિક સંજોગોમાં માત્ર ભારત જ નહીં પરંતુ સમગ્ર વિશ્વની નજર ભારતના બજેટ પર છે.

વિપક્ષને આપી સલાહ 
ભાષણ દરમિયાન પીએમ મોદીએ વિપક્ષી પાર્ટીઓને પણ તૈયારી કરવાની સલાહ આપી છે. "જો આ બજેટ સત્રમાં કોઈ વિરોધાભાસ હોય, તો ભાષણ હોવું જોઈએ. મને વિશ્વાસ છે કે વિપક્ષના તમામ સાથીઓ તૈયારી સાથે અભ્યાસ કરશે અને ગૃહમાં બોલશે. તેમણે સંસદની પરંપરાનો ઉલ્લેખ કરતા કહ્યું કે જ્યારે પણ સદનમાં પહેલીવાર કોઇ નવો સભ્ય બોલે છે તો તેમનું સન્માન કરવામાં આવે છે.