ગુડ ન્યૂઝ / શુભ સંકેત : મહામારીમાં પહેલી વાર દેશની GDP એ રેકોર્ડ તોડ્યો, પ્રથમ ત્રિમાસિકમાં થયો રેકોર્ડબ્રેક વધારો

• 2022 ના પહેલા ત્રિમાસિકમાં દેશના જીડીપીમાં 20.1 ટકા ગ્રોથ
• 2021-22 ના પહેલા ત્રિમાસિકમાં જીડીપી 32.38 લાખ કરોડ રહી
• 2020-21 ના પહેલા ત્રિમાસિકમાં જીડીપીમાં 24.4 ટકાનો ઘટાડો આવ્યો હતો 

કોરોના મહામારીની વચ્ચે પહેલી વાર ઈકોનોમીના મોરચને દેશને સૌથી સારા સમાચાર મળ્યાં છે. મંગળવારે સરકાર દ્વારા જારી જીડીપીના લેટેસ્ટ આંકડા પરથી સ્પસ્ટ જોવા મળ્યું છે કે નાણાકીય વર્ષ 2022 ના પહેલા ત્રિમાસિક એટલે કે એપ્રિલ 2021 થી જુન 2021 સુધી દેશના જીડીપીમાં 20.1 ટકા જીડીપી ગ્રોથ થયો છે.  

આંકડામાં જણાવ્યાનુસાર 2021-22 ના પહેલા ત્રિમાસિકમાં જીડીપી 32.38 લાખ કરોડ રહી છે જે 2020-21 ના પહેલા ત્રિમાસિકમાં 26.95 લાખ કરોડ રુપિયા હતી. એટલે કે વર્ષ દર વર્ષને આધારે જીડીપીમાં 20.1 ટકાનો વધારો નોંધાયો છે. ગત વર્ષ 2020-21 ની પહેલા ત્રિમાસિકમાં ભારતના જીડીપીમાં 24.4 ટકાનો ઘટાડો આવ્યો હતો. 

RBI ના અનુમાનથી તદ્દન નજીક 

SBI ના Ecowrap સંશોધન અહેવાલમાં અનુમાન લગાવવામાં આવ્યું હતું કે ચાલુ નાણાકીય વર્ષના પ્રથમ ક્વાર્ટરમાં દેશનો GDP દર 18.5 ટકા થઈ શકે છે. તે જ સમયે, રિઝર્વ બેન્ક ઓફ ઇન્ડિયાએ અંદાજ લગાવ્યો હતો કે અર્થતંત્ર પ્રથમ ક્વાર્ટરમાં 21.4 ટકાનો દર દર્શાવી શકે છે. હાલમાં, સરકારી આંકડા મુજબ, જીડીપી વૃદ્ધિ દર 20.1 ટકા છે, જે રિઝર્વ બેંકના અંદાજની ખૂબ નજીક છે. જીડીપીનો આટલો મોટો વિકાસ દર તે દર્શાવે છે.

કોરોના મહામારીમાં ઈકોનોમી થઈ હતી આવી હાલત 

ઉલ્લેખનીય છે કે કોરોના મહામારીમાં દેશની ઈકોનોમીને તગડો ઝટકો લાગ્યો હતો. નાણાકીય વર્ષ 2020-21 ના પહેલા ત્રિમાસિકમાં જીડીપીમાં 23.9 ટકાનો મોટો ઘટાડો નોંધાયો હતો. ત્યાર બાદ બીજા ત્રિમાસિકમાં જીડીપીમાં 7.5 ટકાનો ઘટાડો નોંધાયો હોતો. જ્યારે ત્રીજા ત્રિમાસિકમાં 0.4 ટકા તો ચોથા ત્રિમાસિકમાં 1.6 ટકાનો ઘટાડો આવ્યો હતો. આવી રીતે નાણાકીય વર્ષ 2020-21 માટે જીડીપી ગ્રોથ રેટ -7.3 ટકા રહ્યો હતો. 

કુલ ઘરેલુ ઉત્પાદન (GDP) શું છે?
ગ્રોસ ડોમેસ્ટિક પ્રોડક્ટ (જીડીપી) એ ચોક્કસ સમયમર્યાદામાં દેશમાં ઉત્પાદિત તમામ શુદ્ધ માલ અને સેવાઓનું કુલ નાણાકીય અથવા બજાર મૂલ્ય છે. એકંદર ઘરગથ્થુ ઉત્પાદનના વ્યાપક માપદંડ તરીકે, તે દેશના આર્થિક સ્વાસ્થ્યના વ્યાપક સ્કોરકાર્ડ તરીકે સેવા આપે છે. જોકે સામાન્ય રીતે જીડીપીની ગણતરી વાર્ષિક ધોરણે કરવામાં આવે છે, કેટલીકવાર તે ત્રિમાસિક ધોરણે પણ ગણવામાં આવે છે. આ રિપોર્ટમાં સમાવિષ્ટ વ્યક્તિગત ડેટા સેટ્સ વાસ્તવિક દ્રષ્ટિએ આપવામાં આવ્યા છે, તેથી ભાવમાં ફેરફાર અને ચોખ્ખા ફુગાવા માટે ડેટા એડજસ્ટ કરવામાં આવે છે. 

સપ્ટેમ્બરના ક્વાર્ટરમાં જીડીપીની વૃદ્ધિમાં ઘણી તેજી આવશે.
નોમુરાએ પણ જણાવ્યું હતું કે, ઓગસ્ટ 2021માં ઈન્ડેક્સમાં 5.6 ટકાવારીની વૃદ્ધિ થઈ હતી. જે પહેલા જુલાઈમાં 17.1 અને જૂનમાં 15 ટકા આંક ચઢ્યો હતો. બ્રોકરેજ ફર્મ એ પણ કહ્યું કે, સપ્ટેમ્બર માસના ક્વાર્ટરમાં જીડીપીની વૃદ્ધિમાં ઘણી તેજી આવશે. અને તેનાથી ચાલુ વર્ષે 10.4 ટકા જીડીપી વૃદ્ધિની આગાહી જાળવી રાખી છે. નોમુરાના જણાવ્યા મુજબ વીજળીની માંગ 0.1 ટકા વધ્યું છે. જો કે શ્રમ ભાગીદારી એક સપ્તાહ પહેલા 40 ટકાથી મામૂલી વધીને 40.8 ટકા પર પહોંચી છે. બ્રોકરેજ ફર્મે જણાવ્યું હતું કે, નવા સંક્રમણ મામલે લઈને હાલ મિશ્રીત અહેવાલો આવી રહી છે. સાત દિવસની સરેરાશ મુજબ છેલ્લા એક અઠવાડિયામાં કેસોની સંખ્યા 9,200 થી વધી 41,000 સુધી પહોંચી જવા પામી છે. જો કે, આ સ્થિતી કેરળના લીધે બની છે. તો પણ બ્રોકરેજ ફર્મે કહ્યું છે કે, આગામી તહેવારોના મોસમને દેખતાં તીસરી લહેરને નકારી ન શકાય.