#BoycottChina / ઈ- કોમર્સ સાઈટ પર નહીં વેચાઈ શકે ચીની પ્રોડક્ટ, ડ્રેગનને ચારે બાજુથી ઘેરવા સરકારનો આ છે પ્લાન

• મોટાભાગની ઇ-ક કોમર્સ કંપનીઓમાં ચીની પ્રોડક્ટ્સ વેચાઇ રહી છે.
• વેપારી સંગઠને સરકારને એક સૂચન આપ્યું છે
• કંપનીઓએ આમ કરવાની જોગવાઈ કરવી જોઈએ

તેમણે સૂચવ્યું કે

વેપારી સંગઠને કેન્દ્રીય વાણિજ્ય પ્રધાન પિયુષ ગોયલને સૂચન કર્યું છે કે આ કંપનીઓ માટે આમ કરવાની જોગવાઈ કરવી જરૂરી હોવી જોઈએ. કેટના જનરલ સેક્રેટરી પ્રવીણ ખંડેલવાલે કહ્યું કે આનાથી ગ્રાહકોને માલ ખરીદવા કે નહીં તે અંગે નિર્ણય લેવાનું સરળ બનશે. સંગઠન મુજબ મોટાભાગના ઇ-કોમર્સ પોર્ટલ્સ ચીનમાં બનેલા ઉત્પાદનોનું વેચાણ કરે છે. પરંતુ ગ્રાહકોને આની જાણકારી નથી. આવી સ્થિતિમાં જે ગ્રાહકો ચાઇનીઝ ચીજોનો બહિષ્કાર કરવા માંગે છે તેઓ તે કરી શકતા નથી.

સરકારે નિયમો બનાવી દીધા છે

કેન્દ્ર સરકાર ઇ-કોમર્સ કંપનીઓ માટે એક નવો નિયમ લાવી રહી છે. જો કે, હજુ સુધી તેની સત્તાવાર જાહેરાત કરવામાં આવી નથી. આ અંતર્ગત કંપનીઓ દ્વારા વેચવામાં આવનારા તમામ ઉત્પાદનો પર લખવું પડશે કે તે ભારતમાં બનાવવામાં આવી છે કે અન્ય કોઈ દેશમાં.

ભારત સરકારના વાણિજ્ય અને ઉદ્યોગ મંત્રાલયના અધિકારીના જણાવ્યા અનુસાર ચીને ચારેબાજુથી ઘેરી લેવાની તૈયારી કરવામાં આવી છે. આ માટે આર્થિક મોરચે ચીનને સૌથી વધુ નુકસાન થશે. આ માટે સરકાર દ્વારા સંપૂર્ણ બ્લુપ્રિન્ટ પણ તૈયાર કરાઈ છે. આ સાથે ભારતમાં આવતા પહેલા ચીની કંપનીઓની કડક તપાસ કરવામાં આવશે.