સિંગલ યૂઝ પ્લાસ્ટિક પર આવેલા પ્રતિબંધ અને પર્યાવરણને સાચવવાની લોકોમાં આવેલી જાગૃતિના કારણે આગામી સમયમાં યોજાનારા લગ્નો ઇકોફ્રેન્ડલી એટલે કે પ્લાસ્ટિક મુક્ત જોવા મળશે.ધનીક વર્ગના લગ્ન સમારંભ પણ તેમની પ્રતિષ્ઠા પ્રમાણે ધામધૂમથી થતા હોય છે. જ્યાં પોલીટીકલથી લઇને દરેક વર્ગના લોકો હાજરી આપે છે. આવા લગ્નમાં ધૂમ પૈસા ખર્ચી જુદી-જુદી થીમ પર દરેક વીધી કરવામાં આવે છે. જેના ડેકોરેશનથી લઇને નાનામાં નાની તમામ વસ્તુમાં પૈસા પાણીના જેમ વપરાય છે. પરંતુ આ બધામાં સૌથી વધુ જો કોઇ વસ્તુનો ઉપયોગ થતો હોય તો તે પ્લાસ્ટિક છે. પણ હવે તે નાબુદ થાય તેવી તૈયારીઓ પર્યાવરણ પ્રેમી કરી રહ્યા છે.
વધુમાં વધુ ઇકોફ્રેન્ડલી વસ્તુનો ઉપયોગ કરવા માટેનો આગ્રહ લોકો કરી રહ્યા છે
લગ્ન સમારોહને ઇકોફ્રેન્ડલી- પ્લાસ્ટિક ફ્રી બનાવવા માટે પાંચ પતરાળાઓને કોમ્પ્રેસ્ડ કરીને એક ડીશ બનાવવામાં આવે
દરેક વસ્તુ માટે ઓપ્શન છે
આ વિશે વાત કરતા શહેરના વેડિંગ પ્લાનર કલ્પીત જાની કહે છે, “લગ્નગાળો શરૂ થઇ ગયો છે. પરંતુ તેના બુકીંગ તો મહિનાઓ પહેલા જ થઇ જતા હોય છે. મુંબઇ, દિલ્લી, ઉદેપુર, જયપુર જેવા શહેરોની જેમ જ હવે ગુજરાતમાં પણ લોકો ઇકોફ્રેન્ડલી લગ્ન માટે આગળ આવી રહ્યા છે. જમવાની ડીશો જ નહીં પરંતુ પ્લાસ્ટિકની બોટલ, ડેકોરેશનમાં ઉપયોગ થતી પ્લાસ્ટિકની વસ્તુઓ અને અન્ય જગ્યાએ પણ પ્લાસ્ટિકની વસ્તુઓના રિપ્લેસમેન્ટની ડિમાન્ડ લોકો કરે છે.”
જુની પરંપરા શરૂ થશે
અમદાવાદમાં રહેતી અને દેશ-વિદેશમાં વેડિંગ પ્લાન કરતી પ્રથા પરીખ કહે છે, “પર્યાવરણ પ્રત્યેના આવા આગ્રહના કારણે ફરી એકવાર સ્ટીલના ગ્લાસ, ડીશો, અને તમામ વાસણ સેટનો દૌર શરૂ થવા જઇ રહ્યો છે. બુફેની જગ્યાએ ટેબલ-ખુરશીની બેઠક તો જમણવારમાં ક્યારનીય પરત ફરી છે. પરંતુ જે રીતે લોકો ઇકોફ્રેન્ડલી, પ્લાસ્ટિક મુક્ત લગ્ન સમારંભની ડિમાન્ડ કરી રહ્યા છે તે જાતા લાગે છે કે હવે જમણવારમાં પંકતની શરૂઆત પણ જલ્દી થશે. ઇકો ફ્રેન્ડલી લગ્નો માટે પ્લાસ્ટિક સામે કેવા ઓપ્શન છે તે વીશે વાત કરતા પ્રથા કહે છે, લગ્ન સમારોહને ઇકોફ્રેન્ડલી- પ્લાસ્ટિક ફ્રી બનાવવા માટે પાંચ પતરાળાઓને કોમ્પ્રેસ્ડ કરીને એક ડીશ બનાવવામાં આવે છે.
આ ડીશ મજબૂત અને વજનમાં હળવી હોય છે. સામાન્ય પતરાળા કરતા તેનો ખર્ચ પાંચ ગણો વધી જાય છે. પરંતુ લાખો, કરોડાના ખર્ચે લગ્ન થતા હોય ત્યાં આવા ખર્ચા સામાન્ય હોય છે. થર્મોકોલ અને મેલેમાઇનની ડીશોનો ઉપયોગ પણ બંધ થશે. વુડન અને કોમ્પ્રેસ્ડ પાદંડાઓની જ નહીં પણ ખાઇ શકાય તેવા મટિરિયલમાંથી બનતી ચમચીઓનો વપરાશ પણ કરવામાં આવશે.”
ઈકોફ્રેન્ડલી વસ્તુનો ઉપયોગ
ડેકેરોશન વીશે વાત કરતા અનીરૂદ્ધ મણીયાર કહે છે, “લગ્નની સજાવટમાં પ્લાસ્ટિકના ફ્લાવર્સથી લઇને દરેક વસ્તુનો ઉપયોગ થતો હોય છે. પરંતુ હવે તેની જગ્યાએ વધુમાં વધુ ઇકોફ્રેન્ડલી વસ્તુનો ઉપયોગ કરવા માટેનો આગ્રહ લોકો કરી રહ્યા છે.”
લગ્ન ખર્ચ વધશે
મીત પટેલ કહે છે “મારા લગ્ન આગામી મહિનામાં છે અમે થીમ મેરેજ કરવાના છીએ. પરંતુ વેડિંગ પ્લાનર્સ સાથે પહેલેથી જ નક્કી કરવામાં આવ્યુ છે પ્લાસ્ટિક યૂઝ ના કરે. જેના કારણે લગ્ન ખર્ચમાં થોડો વધારો પણ થશે પરંતુ પર્યાવરણ માટે એટલુ તો કરી જ શકાય.”
તો પ્લાસ્ટિક મુક્ત દેશની શક્યતાઓ વધી રહી છે અને પ્લાસ્ટિકના ઓપ્શનમાં અનેક વસ્તુઓ પણ છે. માટે પર્યાવરણને બચાવવા પ્રયત્ન તો કરવો જ જોઇએ.