આદેશ / ચૂંટણી પંચે કેન્દ્રને આપ્યો આદેશ, આ રાજ્યોમાં રસીકરણ સર્ટિફિકેટમાંથી PM મોદીનો ફોટો હટાવો

• મોદીની તસવીર હટાવવાના આદેશ આપ્યા
• તસવીરને લઈને ચૂંટણી પંચે સ્વાસ્થ્ય મંત્રાલયને આદેશ આપ્યો 
• ટીએમસી સાંસદે કરી ફરિયાદ

મોદીની તસવીર હટાવવાના આદેશ આપ્યા

5 રાજ્યોમાં થનારી ચૂંટણીની તારીખોની જાહેરાત બાદ ચૂંટણી પંચે ચૂંટણી પ્રચારને લઈને કડકાઈ વર્તી છે. ચૂંટણી પંચે કેન્દ્રીય સ્વાસ્થ્ય મંત્રાલયને જે રાજ્યોમાં ચૂંટણી થવાની છે. ત્યાંથી કોરોના રસીના સર્ટિફિકેટમાંથી પીએમ મોદીની તસવીર હટાવવાના આદેશ આપ્યા છે. કેરળ, પોન્ડિચેરી, તમિલનાડુ, પશ્ચિમ બંગાળ અને આસામમાં થનારી વિધાનસભા ચૂંટંણીને ધ્યાનમાં રાખી પંચે આ નિર્ણય કર્યો છે. 27 માર્ચથી 29  એપ્રિલની વચ્ચે આ રાજ્યોમાં વિધાનસભા ચૂંટણી થવાની છે.

તસવીરને લઈને ચૂંટણી પંચે સ્વાસ્થ્ય મંત્રાલયને આદેશ આપ્યો 

ઉલ્લેખનીય છે કે કોરોની રસી લેનારા લાભાર્થીઓને રસીકરણ સર્ટિફિકેટ આપવામાં આવે છે. આ સર્ટિફિકેટ્સ પર પીએમ મોદીની તસવીરને લઈને ચૂંટણી પંચે સ્વાસ્થ્ય મંત્રાલયને આદેશ આપ્યો છે કે તે વિધાનસભા ચૂંટણીના આરે ઉભા રાજ્યોમાંથી આ તસવીર હટાવી દે.

ટીએમસી સાંસદે કરી ફરિયાદ

ચૂંટણી પંચનો આ આદેશ ટીએમસીના સાસંદ ડેરેક ઓ બ્રાયનની ફરિયાદ બાદ આવ્યો છે. તેમણે મુખ્ય ચૂંટણી આયુક્ત સુનીલ અરોડા પાસેથી રસીકરણ સર્ટિફિકેટ પર પીએમ મોદીની તસવીર, નામ અને સંદેશને લઈને વાંધો વ્યક્ત કર્યો હતો.  તેમણે કહ્યું કે ચૂંટણીની તારીખોનાં એલાન બાદ પીએમ મોદી આ પ્રકારના સરકારી પ્લેટફોર્મ કોવિન એપના માધ્યમથી ક્રેડિટ લેવા અને પોતાના નામનો પ્રચાર કરવા પર પ્રતિબંધ લગાવવામાં આવે.

ટીએમસી અને ભાજપની વચ્ચે તણાવ

રસીકરણ સર્ટિફિકેટ પર પીએમ મોદીની તસ્વીરને લઈને ટીએમસીના ભાજપ પર નિશાન સાધ્યુ હતુ. ટીએમસી સાંસદ સાંતનુ સેને કહ્યું હતું કે અમને જન્મથી જ રસી આપવામાં આવી રહી છે શું આવું પહેલા થયું? શું આવું પહેલા થયું? એવું ત્યારેય નથી થયું કે રસીકરણ સર્ટિફિકેટ પર પીએમનો ફોટો હોય. ટીએમસીના આ નિવેદન પર ભાજપના નેતા દિલીપ ઘોષે કહ્યું કે આ આરોપ પાયાવિહોણા  છે.  ચૂંટણી પહેલા જો સરકાર કોઈ પ્રોજેક્ટ શરુ કરે છે તો તે આ પ્રકારે જ આગળ વધે છે. ઉલ્લેખનીય છે કે પશ્ચિમ બંગાળની 294 સીટો પર 27 માર્ચથી 29 એપ્રિલની વચ્ચે આઠ ચરણમાં ચૂંટણી થવાની છે. 

સર્ટિફિકેટ પર સ્વાસ્થ્યકર્મીઓની તસ્વીર હોવી જોઈએ- કોંગ્રેસ

કોરોના રસી સર્ટિફિકેટ્સ પર પીએમ મોદીની તસવીરને લઈને કોંગ્રેસ નેતા કપિત સિબ્બલે કહ્યું કે સર્ટિફિકેટ પર કોઈનો ફોટો અગર હોવો જોઈએ તો તે દેશના ડોક્ટર, સ્વાસ્થ્યકર્મીઓનો હોવો જોઈએ. જ્યારે રસીકરણની સુવિધા નહોંતી. આ દરમિયાન આ લોકોએ મહામારીના સંકટની વચ્ચે લોકોની મદદ માટે ઉભા હતો.