ચૂંટણી પંચે ચૂંટણી વાળા પાંચ રાજ્યોમાં રાજકીય રેલીઓ પરનો પ્રતિબંધ 11 ફેબ્રુઆરી સુધી લંબાવી દીધો છે.
પાંચ રાજ્યોમાં રાજકીય રેલીઓને હજુ પણ મંજૂરી નહીં
ચૂંટણી પંચે રેલીઓ પરનો પ્રતિબંધ લંબાવ્યો
હવે 11 ફેબ્રુઆરી સુધી લાગુ રહેશે ચૂંટણી રેલી પર પાબંધી
રાજકીય રેલીઓ પરનો પ્રતિબંધ લંબાવવા માટે ચૂંટણી પંચની આજે વર્ચ્ય્અલી બેઠક યોજી હતી. બેઠકમાં પાંચ રાજ્યો, યુપી, પંજાબ, ઉત્તરાખંડ, ગોવા અને મણિપુરના મુખ્ય ચૂંટણી અધિકારી અને આરોગ્ય સચિવ બેઠકમાં સામેલ થયા હતા.
રાજકીય રેલીઓ પરનો પ્રતિબંધ 11 ફેબ્રુઆરી સુધી લંબાવ્યો
ચૂંટણી પંચ ચૂંટણીવાળા પાંચ રાજ્યોમાં રાજકીય રેલીઓને હજુ પણ મંજૂરી આપવાના મૂડમાં નથી. ચૂંટણી પંચે હવે પાંચ રાજ્યોમાં રાજકીય રેલીઓ પરનો પ્રતિબંધ 11 ફેબ્રુઆરી સુધી લંબાવી દીધો છે.
500ની જગ્યાએ હવે 1000 લોકોની ક્ષમતા સાથે રેલી કરી શકાશે
ચૂંટણી પંચે ડોર-ટુ ડોર કેમ્પેનમાં 20 લોકો, 500 લોકો સાથે હોલમાં બેઠક તથા 1000 લોકો સાથે રાજકીય પક્ષોને સભા યોજવાની પરમિશન આપી છે.
બીજી વાર રાજકીય રેલી પરનો પ્રતિબંધ લંબાવ્યો
આ પહેલા ચૂંટણી પંચે 22 જાન્યુઆરીએ ફિઝિકલ રેલી અને રોડ શો પર પ્રતિબંધ 31 જાન્યુઆરી સુધી વધારી દીધો હતો. ચૂંટણી પંચ દ્વારા કોઈ રોડ શો, પદયાત્રા, કોઈ પણ રેલી અને સરઘસને મંજૂરી આપવામાં આવી ન હતી. ચૂંટણી પંચે 8 જાન્યુઆરીએ ઉત્તર પ્રદેશ, ઉત્તરાખંડ, ગોવા, પંજાબ અને મણિપુર માટે ચૂંટણી કાર્યક્રમની જાહેરાત દરમિયાન શારીરિક રેલીઓ અને રોડ શો પર પ્રતિબંધ મૂક્યો હતો.
યુપીમાં સાત તબક્કામાં મતદાન
યુપીમાં સાત તબક્કામા મતદાન થવાનું છે. 10 ફેબ્રુઆરીએ પહેલા તબક્કામાં 58 બેઠક પર મતદાન થશે. 14 ફેબ્રુઆરીએ બીજા તબક્કામાં 20 ફેબ્રુઆરીએ ત્રીજા તબક્કાનું, 23 ફેબ્રુઆરીએ ચોથા તબક્કાનું, 27 ફેબ્રુઆરીએ પાંચમા તબક્કાનું, 3 માર્ચે છઠ્ઠા તબક્કાનું અને 7 માર્ચે 7મા તબક્કાનું મતદાન યોજાશે. 10 માર્ચે પરિણામ જાહેર થશે.