કડક કાર્યવાહી / VTVના અહેવાલનો પડઘો: સુરેન્દ્રનગર, અમરેલી અને ખેડામાં ખનન માફિયાને ધૂળ ધાણી, લાખોનો મુદ્દામાલ જપ્ત

• સુરેન્દ્રનગરમાં VTV NEWSના અહેવાલની અસર
• સુરેન્દ્રનગર જિલ્લા કલેકટરે આપ્યા તપાસના આદેશ
• ખનીજ માફિયાઓએ ખનીજ વિભાગની ટીમ પર કર્યો હતો હુમલો

VTV NEWSના અહેવાલ બાદ તંત્ર આવ્યું એકશનમાં આવી ગયું હતું. સુરેન્દ્રનગરમાં ખનીજ માફિયાઓએ કરેલા હુમલાને લઇને જિલ્લા કલેક્ટરે તપાસના આદેશ આપ્યા છે.  તેમજ કલેક્ટરે ફરી હુમલો ન થાય તેવી પોલીસતંત્રને તાકીદ પણ કરી હતી. 

કવોરી ઉદ્યોગ આસપાસના વિસ્તારો માટે માથાનો દુખાવો બની ગયો
કપડવંજ તાલુકામાં આવેલી દનાદરા ગ્રામ પંચાયતમાં ચાલતો કવોરી ઉદ્યોગ આસપાસના વિસ્તારો માટે માથાનો દુખાવો બની ગયો છે. vtv ના  રિયાલિટી ચેકમાં લીઝ માઇન્સ  માલિકો દ્વારા આસપાસની સરકારી જમીનનો સાથે ખાનગી માલિકીની જગ્યા ઉપર પણ દબાણ કરી ગેરકાયદેસર રીતના ખનન કરવાના કરતા હોવાના માલુમ પડેલ.  જે અંગે ગ્રામજનો દ્વારા દબાણ દૂર કરી પોતાની માલિકીની જમીન પરત મેળવવા વારંવાર રજૂઆત કરી હોવા છતાં પણ તંત્ર દ્વારા કોઇ કાર્યવાહી ન કરતા તંત્ર સામે સવાલો ઊભા થયા છે.

નિયમોને નેવે મૂકી ગેરકાયદેસર રીતે થઈ રહ્યું છે ખનન
vtv દ્વારા કપડવંજ તાલુકાના દનાદરા માં ચાલતા ક્વોરી ઉદ્યોગની તપાસ કરવામાં આવી હતી.  આ બેફામ બનેલા ખનન માફિયાઓ દ્વારા નિયમોને નેવે મૂકી ગેરકાયદેસર રીતે ખનન કરવામાં આવી રહ્યું છે. જેના કારણે પર્યાવરણ અને જમીનને વ્યાપક નુકસાન થઈ રહ્યું છે.  આસપાસના 10 જેટલા ગામોના ખેડૂતોના ખેતરમાં ઉભેલા ઉભા પાકને પણ વ્યાપક નુકસાન થઈ રહ્યું છે.  આ ઉદ્યોગ ઉપર અંધેર તંત્રના સીધા આશીર્વાદ હોય તે મુજબ અહીં ખનન માફિયાઓ બેફામ બન્યા છે.  દનાદરા તાબે ગોટાડી લાટના ખેડૂતોએ પશુધન માટે ખાનગી માલિકીની જગ્યા વેચાણ રાખી પશુઓને ચરવા માટે ઉપયોગ કરતા હતા. એવા સર્વે નંબર 275, 273, 276 ઉપર નજીકમાં આવેલ સર્વે નંબર 329 માં ચાલતા માઇનિંગ માં સંપૂર્ણ ખોદકામ થઈ જતા ઉપર દર્શાવેલા સર્વે નંબર ઉપર આસપાસના માઈન્સ વાળાઓ દ્વારા ગેરકાયદેસર કબજો કરી આ ખાનગી માલિકની જમીનો ઉપર ગેરકાયદેસર રીતે ખનન કરી કરોડોનું વહીવટ કરવામાં આવી રહ્યો છે. 

અવાર નવાર ખેડૂતો ભારે રોષ સાથે વિરોધ કરે છે પણ પરિણામ શૂન્ય
સમગ્ર મામલે આ ગામના ભોગ બનનાર ખેડૂતો દ્વારા આ અંગે જમીન માપણી વિભાગને જમીન માપણી કરવા દબાણ દૂર કરી સ્પષ્ટ કરવા લેખિતમાં રજૂઆત કરી પૈસા પણ ભરી દેવામાં આવ્યા હતા. જોકે માપણી કરવા આવેલા સર્વેરો દ્વારા અત્યાર સુધી આ જમીનના નકશા અંગે કોઈ પણ સ્પષ્ટતા કરવામાં આવેલ નથી આ સાથે વહીવટી તંત્ર સામે પણ આ દબાણો દૂર કરી માથાભારે તત્વો સામે પગલા ભરવા માગણી પણ કરવામાં આવી હતી. પરંતુ અત્યાર સુધી આ મામલે કોઈ પણ પ્રકારની કાર્યવાહી હાથ ધરવામાં આવી નથી. જેના કારણે ખેડૂતો ભારે રોષ સાથે વારંવાર આ કોરી માલિકો અને માથાભારે તત્વોનો વિરોધ કરતા દેખવા મળી રહે છે.
ધૂળની રજકણો ઉડતા પાકની ઉત્પાદન ક્ષમતા પણ ઘટી
ખેડૂતોના અક્ષત મુજબ આ વિસ્તારમાં આવેલા તમામ ખેતરોમાં આ કોરી ઉદ્યોગમાં ઉત્પાદક તેમજ પર્યાવરણને નુકસાન થતા ઉભા પાકોને પણ વ્યાપક નુકસાન પહોંચી રહ્યું છે. ખેડૂતોની ઉત્પાદન ક્ષમતા પણ નુકસાનના કારણે ઘટી ગઈ છે. જેના કારણે ખેડૂતો ત્રાહિમામ પોકારી ગયા છે. ગેરકાયદેસર રીત ના ચાલતા બેગન બ્લાસ્ટ ના લીધે જમીનમાં પાણીના તડપણ ખૂબ જ નીચે જાગ્યા છે. જેના કારણે ખેડૂતોને પડતા ઉપર પાટુ જેવા હાલ થયા છે. 
ડમ્પરોનાં કારણે ધૂળની રજકણને લીધે પાકને નુકશાન
હાલ આ વિસ્તારમાં ટામેટા વરિયાળી ઘઉં દિવેલા રાઈડ સહિતના ઉભા પાકો આવેલા છે જે તમામ પાકો અહીંથી પસાર થતાં ડમ્પરો અને ઉડતી રજકણને કારણે પાકોને નુકસાન ગયું છે. જેના કારણે ખેડૂતો દ્વારા તાત્કાલિક આ ગેરકાયદેસર ખનન માફિયાઓ ઉપર તાત્કાલિક પગલા ભરવામાં આવે તેવું ઈચ્છે રહ્યા છે. જો આ મામલે વહેલી તકે નિરાકરણ નહીં આવે તો ખેડૂતો દ્વારા ગાંધીજી માર્ગે આંદોલનની ચીમકી ઉચ્ચારી છે.

અમરેલીમાંથી રેતી ચોરીનું કૌભાંડ ઝડપાયુ
જ્યારે બીજી બાજુ અમરેલીમાંથી રેતી ચોરીનું કૌભાંડ ઝડપાયુ હતું. રાજુલાના ભાક્ષી ગામ નજીક નદીમાંથી રેતી ખનન કરનારાઓ ઝડપાયા હતા. જેને લઈને ખાણ ખનીજ વિભાગે પોલીસને સાથે રાખી ખનન માફિયાઓ પર દરોડા પાડ્યા હતા. દરોડામાં 4 બોટ, 1 મશીન સહિતનો મુદ્દામાલ જપ્ત કરાયો હતો. જ્યારે ખેડાના દનાદરામાં ખનીજ ચોરીનું મોટું કૌભાંડ ઝડપાયું હતું. ખેડૂતોની પશુધન માટેની જમીન પર ખનન માફિયાઓનો ગેરકાયદેસર કબજો કરી બેઠાં હતા. માફિયાઓ ક્રસિંગ પ્લાન્ટ અને માઈન્સ બનાવી ખાનગી જમીનનો ગેરકાયદે ઉપયોગ કરતા હતા. ગેરકાયદેસર ખનનને કારણે ઉભા પાક અને પશુધનને ભારે નુકસાન થતુ હતું. જેને લઈને તંત્રએ ખનન માફિયાઓ વિરુધ્ધ કડક પગલા ભર્યા હતા.