હવે ચૂંટણી લડતા નેતાઓ અને વિવિધ પાર્ટીઓ ખેર નથી કારણ કે ચૂંટણી પંચે નવો રસ્તો શોધી કાઢ્યો છે. ભારતના ચૂંટણી પંચે એક મોબાઇલ એપ્લિકેશન શરૂ કરી છે જે ચૂંટણી સબંધિત ગુનાઓની તપાસ પળભરમાં કરી શકશે.
ગુજરાતના મુખ્ય ચૂંટણી કમિશન રેટની કચેરીના એક અધિકારીએ કહ્યું હતું કે આ એપ્લિકેશનનો પ્રયોગ સૌ પ્રથમ રાજસ્થાન છત્તીસગઢ મધ્યપ્રદેશ અને મિઝોરમમાં આવી રહેલી ચૂંટણીમાં થશે ત્યારબાદ લોકસભાની ચૂંટણીમાં પણ આ એપ્લિકેશનનો ઉપયોગ કરાશે.
નોંધનીય છે કે ચૂંટણી દરમ્યાન કોઈ નેતાએ આચારસંહિતાનો ભંગ કર્યો હોય તો તેની તપાસ બે કે ત્રણ દિવસ પછી શરૂ થતી હોય છે. ઘણીવાર ચૂંટણી પૂરી થઇ ગયા બાદ પણ જે તે નેતાને સજા કરી શકાતી નથી પરંતુ હવે એવું નહીં બને. પળવારમાં જ આચારસંહિતા ભગની ફરિયાદનો નિકાલ કરાશે અને જવાબદારોને સજા કરાશે.
આ એપ્લિકેશન 100 મિનિટની અંદર ફરિયાદીને એની ફરિયાદ પર કયા પગલાં લેવાયા એ પણ જણાવાશે. ફરિયાદ જેવી ઇન બોક્સમાં આવશે કે તુરંત જ ચૂંટણી અધિકારી કે નાયબ ચૂંટણી અધિકારી થોડીક મિનિટોમાં તપાસીને FIR દાખલ કરવા સહિતના પગલાં લેશે.
આચારસંહિતાનું ઉલ્લંઘન કરતા ઉમેદવારો અને રાજકીય પક્ષો અને ઉમેદવારોને રોકવા માટે ઇલેક્શન એપ્લિકેશન સી-વિજિલ શરૂ કરવામાં આવી છે. આ એપ્લિકેશન મતદારોને આચારસંહિતાના ફોટા પાડવા અને વીડિયો ઉતારીને સંબંધિત ચૂંટણી અધિકારીને મોકલી આપવાનો હક આપશે.