સંશોધન / માછલી ખાવાની આદત ધરાવનારા ચેતી જજો, રિસર્ચમાં થયો ચોંકાવનારો ખુલાસો

• અમેરિકામાં થઈ ચોંકાવનારી સ્ટડી 
• માછલી ખાતા લોકો ચેતી જજો 
• શરીરમાં ભેગુ થઈ રહ્યું છે 'ઝેર'

માછલીઓ ખાવાના શોખીન તેના ફાયદા પર ખૂબ જ ચર્ચા કરે છે. જેમકે તેમાં પ્રોટીન અને ઓમેગા-3 ફેટી એસિડ ભરપૂર પ્રમાણમાં હોય છે. નોનવેજ ખાતા લોકોની ડાયેટમાં માછલીનો એક મોટો ભાગ હોય છે. જોકે માછલી પણ હવે ઝેરી થઈ ગઈ છે. 

એનવાયરમેન્ટલ પ્રોટેક્શન એજન્સી અને અમેરિકાના ફૂડ એન્ડ ડ્રગ એડમિનિસ્ટ્રેશનના જોઈન્ટ સ્ટડીમાં મળી આવ્યું કે અમેરિકી ઝરણા અને નદીઓનું પાણી પ્રદુષિત થઈ ચુક્યું છે. જેના કારણે માછલીઓ પણ ઝેરી થઈ રહી છે. સાયન્સ ડાયરેક્ટમાં છપાયેલી સ્ટડીમાં દાવો કરવામાં આવ્યો છે કે ફ્રેશવોટર માછલીઓમાં 278 ગણુ ફોરેવર કેમિકલ મળી આવ્યું છે જે ગંભીર બીમારીઓ પેદા કરી શકે છે. 

હજારો ગણુ રસાયણ મળ્યું 
અમેરિકી નદી-ઝરણામાં સતત 3 વર્ષ સુધી સ્ટડી બાદ જોવામાં આવ્યું કે પાણીમાં મળી આવતા જીવ-જંતુઓમાં આ કેમિકલ 2,400 ગણુ વધી ગયું છે. જો આવા સી-ફૂડની તમે મહિનામાં એક સર્વિંગ પણ ખાઓ છો તો તમે મહિના સુધી બેક્ટેરિયા અને બીજા જર્મ્સથી ભરેલું પાણી પીવો તેટલું ખતરનાક છે. 

વૈજ્ઞાનિકોએ એવું પણ કહ્યું કે આખા વર્ષમાં 4 વખત પણ માછલી ખાવા પર શરીરમાં PFAS ખતરનાક સ્તર પર પહોંચી જાય છે. અમેરિકાના એક-બે નહીં પરંતુ 48 રાજ્યોમાં આજ પેટર્ન મળી છે. 

દરેક જગ્યા પર મળી રહી છે તેની હાજરી 
સૌથી ચોંકાવનારી વાત તો એ છે કે જે તળવા અથવા નદીઓ કારખાનાથી ખૂબ જ દૂર છે ત્યાં પણ પાણીમાં ફોરેવર કેમિકલમી માત્રા વધારે મળી. એટલે કે આ કેમિકલ હવે દરેક જગ્યા પર છે. જણાવી દઈએ કે આ કેમિકલને ફોરેવર એટલા માટે કહેવામાં આવ્યું કારણ કે તે ખતમ નથી થતું. 

અથવા તે હજારો વર્ષ બાદ ખતમ થશે. તેના વિશે હાલ વૈજ્ઞાનિકોને પણ નથી ખબર. કુલ મળીને આ પ્લાસ્ટિકથી પણ વધારે ખતરનાક માનવામાં આવી રહ્યું છે. જેના પર મોટાભાગના દેશોમાં કોઈ કંટ્રોલ નથી. 

તમારી આસપાસ કઈ વસ્તુઓમાં છે આ કેમિકલ? 
આ સ્ટડી અમેરિકાની છે આપણા ત્યાં ભલે હજુ સુધી તેના પર અભ્યાસ ન કરવામાં આવ્યો હોય પરંતુ કેમિકલ વાળા પ્રોડક્ટ ખૂબ મળ્યા છે. પિઝ્ઝા બોક્સ, ફૂડ રેપર, ટેક-આઉટ ડબ્બા, માઈક્રોવેવ પોપકોર્ન, બેકરી બેગ, નોનસ્ટિક પેન, કારપેટ, કાર સીટથી લઈને છત્રી, રેનકોટ અને જે પણ કરડા સ્ટેન અથવા વોટર-પ્રૂફ હોવાની વાત કરે છે તે બધામાં PFAS છે.