ઘરેલુ નુસખા / શિયાળામાં મધ સાથે ખાઓ આ વસ્તુ, શરદી તો નહીં જ થાય ખીલમાંથી પણ મળશે છૂટકારો

• મધ અને લવિંગનો એકસાથે ઉપયોગ કરવાથી થશે બમણા ફાયદા
• શિયાળામાં ઉપયોગ કરવાથી શરદી-ઉધરસમાં આપશે રાહત
• મધ અને લવિંગ વજન ઘટાડવામાં પણ ખૂબ અસરકારક

મધ અને લવિંગનો ઉપયોગ ગંભીર સમસ્યાઓથી બચાવશે

આ બંને વસ્તુઓ એન્ટી-બેક્ટેરિયલ, એન્ટી-ફંગલ અને એન્ટી-ઓક્સિડેન્ટ ગુણોથી ભરપૂર હોય છે. તેથી કેટલીક સમસ્યાઓને દૂર કરવામાં પણ ખૂબ જ ફાયદાકારક છે. શિયાળાની શરૂઆત થઈ રહી છે, આવી સ્થિતિમાં જો તમે મધ અને લવિંગનો એકસાથે ઉપયોગ કરો. તો તે તમારી ઘણી સમસ્યાઓનો ઉકેલ લાવી શકે છે. 

શરદી-ઉધરસમાં આપશે રાહત

શિયાળો શરૂ થતાં જ લોકોને શરદી -ઉધરસ થવી સામાન્ય બાબત છે. તેના માટે મોંઘીદાટ દવાઓ લેવા કરતા મધ અને લવિંગનો ઉપયોગ કરી શકો છો. તેના માટે ત્રણ લવિંગને પીસીને તેમાં એક ચમમી મધ ભેળવો અને ખાવ. આ ઉપાય તમને ઉધરસ ગળામાં ખરાશમાં રાહત આપવાની સાથે ગળાના દુ:ખાવા અને ઇન્ફેક્શનને દૂર કરવામાં પણ મદદ કરશે.

વજન ઘટાડવામાં મદદરૂપ

ઘણા લોકો વજન ઘટાડવા માટે ઘરેલું અને અસરકાર ઉપાયોની શોધમાં હશે. વજન ઘટાડવા માટે પણ મધ અને લવિંગ ખૂબ અસરકારક છે. વજન ઘટાડવા માટે તમે મધ અને લવિંગની ચા બનાવીને પી શકો છો. આ બંને સામગ્રી કેલેરી બર્ન કરવામાં અને ભૂખ ઘટાડી પાચનક્રિયા સુધારવામાં મદદરૂપ થશે.

લિવરને કરશે ડિટોક્સિફાઇ

મધ અને લવિંગનું મિશ્રણ લિવરને ડિટોક્સિફાઇ કરવામાં પણ મદદ કરે છે. સાથે જ બ્લડ શુગર લેવલને પણ કન્ટ્રોલમાં રાખશે. તે માટે ત્રણ લવિંગ પીસીને તેમાં એક ચમચી મધ મિક્સ કરીને ખાવ.

મોઢાના ચાંદાઓમાં રાહત

ઘણા લોકોને વારંવાર મોઢામાં ચાંદાઓ પડવાની સમસ્યા હોય છે. આવા લોકો માટે લવિંગ અને મદદ રામબાણ ઉપાય છે. એક ચમચી મધમાં લવિંગનો પાઉડર મિક્સ કરી તેની પેસ્ટ બનાવી લો. હવે તેને ચાંદાઓ પર લગાવો અને થોડી વાર માટે કોઇ પણ અન્ય વસ્તુનું સેવન ન કરવું. આ ઉપાયથી તમને તુરંત જ રાહત મળશે.

ખીલમાંથી આપશે છુટકારો

લવિંગ અને મધમાં એન્ટી બેક્ટેરિયલ ગુણ રહેલા છે, જે ત્વચાને ઇન્ફફેક્શનથી બચાવવામાં મદદરૂપ થાય છે અને ખીલની સમસ્યાથી પણ રાહત આપે છે. અડધી ચપટી લવિંગ પાઉડરમાં એક ચમચી મધ મિક્સ કરો. હવે સૂતાં પહેલાં આ પેસ્ટને ખીલ પર લગાવો. સવારે ઊઠીને નવશેકા પાણીથી ચહેરો સાફ કરી લો. થોડા જ દિવસોમાં તમારા ચહેરા પરથી ખીલ ગાયબ થઇ જશે.