એક્સરસાઈઝ, ડાયટિંગ, બેલેન્સ ડાયટ સહિતની અનેક રીત અપનાવતા છતાં લોકોની નાની-નાની ભૂલો અને બેદરકારી તેમનું વજન ઘટવા દેતું નથી. જેમાં સૌથી વધારે બેદરકારી લોકો સવારે નાસ્તો ખાવામાં કરે છે. ઘણાં લોકો સવારે કંઈ ખાતાં જ નથી અને જે લોકો ખાય છે તેઓ અનહેલ્ધી ખાય છે. જેના કારણે સવારની શરૂઆત જ અનહેલ્ધી થાય છે. સવારનો નાસ્તો પ્રોટીન, કાર્બ્સ અને ન્યૂટ્રિઅન્ટ્સથી ભરપૂર હોય તો બોડી હેલ્ધી પણ રહે છે અને વજન પણ ઝડપથી ઘટે છે. વિશ્વાસ ન આવતો હોય તો અહીં જણાવેલી હેલ્ધી વસ્તુઓ સવારે નાસ્તામાં ખાવાનું શરૂ કરી દો.
સવારે નાસ્તામાં ખાઓ હેલ્ધી ફૂડ્સ
આ ફૂડ્સ વજન ઘટાડવાથી લઈ હેલ્થ સાચવશે
વજન કાબૂમાં રાખવા સવારે નાસ્તા પર આપો ધ્યાન
સવારનો નાસ્તો છે બહુ જ મહત્વપૂર્ણ
સવારનો નાસ્તો દિવસનો સૌથી મહત્વપૂર્ણ ભોજન હોય છે. જેનાથી શરીરને આખો દિવસ એનર્જી મળે છે સાથે જ મેટાબોલિઝ્મ પણ બૂસ્ટ થાય છે. જેથી નાસ્તામાં યોગ્ય આહાર લેવાથી શરીરમાં ભરપૂર પોષક તત્વો મળી રહે છે. સાથે જ મેટાબોલિઝ્મ બૂસ્ટ થાય છે.
ચણા અને ગોળ
આયર્ન અને ફાયબરથી ભરપૂર ચણા અને ગોળને એકસાથે ખાવાથી શરીરને ભરપૂર એનર્જી મળે છે. જેનાથી બોડીનું ફેટ બર્ન કરવામાં મદદ મળે છે. સવારે નાસ્તામાં પલાળેલાં ચણાની સાથે ગોળ ખાવાથી ઝડપથી વજન અને ચરબી ઓછી થાય છે.
પ્રોટીનથી ભરપૂર દલિયા
વજન ઘટાડવા માટે દલિયા એક બેસ્ટ ઓપ્શન છે. તેમાં પ્રોટીન, વિટામિન બી અને ફાયબર હોય છે. તેનાથી પેટ દુરસ્ત રહે છે. સાથે લાંબા સમય સુધી પેટ ભરેલું પણ રહે છે. જેનાથી ઓવરઈટિંગ થતું નથી. રોજ 1 વાટકી દલિયા ખાવાખી ફેટ પણ બર્ન થાય છે.
મધ અને અખરોટ
ફ્લેટ ટમી જોઈએ તો બ્રેકફાસ્ટમાં મધ અને અખરોટ ખાઓ. તેમાં રહેલાં એન્ઝાઈમ શરીરમાં કેલરી બર્ન કરે છે. જેનાથી બોડીમાં જમા કોલેસ્ટ્રોલ ધીરે-ધીરે દૂર થવા લાગે છે અને વજન ઘટાડવામાં મદદ મળે છે.
ફણગાવેલાં અનાજ
ફણગાવેલાં અનાજ જેમ કે મગ, ચણા ખાવાથી શરીરને ઊર્જા મળે છે. તેનાથી શરીરમાં બેડ કોલેસ્ટ્રોલની માત્રા ઘટે છે. સાથે જ બ્લડ સર્ક્યુલેશન પણ ઝડપથી થાય છે. તેનાથી પેટની આસપાસની ચરબી પણ ઓછી થાય છે.
દૂધ
મિનરલ્સ, કેલ્શિયમ અને વિટામિન્સથી ભરપૂર ટોન્ડ અથવા સ્કિમ્ડ મિલ્ક પણ વજન ઘટાડવા માટે બેસ્ટ ઓપ્શન છે. તેમાં ફેટ ઓછું હોય છે. તમે નાસ્તામાં સિમ્પલ મિલ્કની જગ્યાએ બનાના શેક, મિલ્ક પપૈયા શેક અથવા તો મિલ્ક અને કોર્નફ્લેક્સ લઈ શકે છે.
કેળા
સવારે નાસ્તામાં રોજ 1 કેળું ખાવાથી વજન ઘટાડવાની સાથે જ આખા દિવસ માટે ભરપૂર એનર્જી પણ મળે છે. પેટની ચરબી ઓછી કરવા માટે પણ તમે કેળા, અખરોટ અને મધ મિક્સ કરીને ખાઈ શકો છો.
પૌઆ
વજન ઘટાડવા માટે નાસ્તામાં લાઈટ અને હેલ્ધી પૌઆ પણ સામેલ કરી શકો છો. તેનાથી આખો દિવસ પેટ ભરેલું લાગે છે. સાથે જ આ લો કેલરી ફૂડ હોવાથી વજન ઘટાડવામાં મદદ કરે છે.
ઈંડા
ઈંડા ખાવાથી ભૂખ શાંત થાય છે અને પેટ લાંબા સમય સુધી ભરેલું પણ રહે છે. તેનાથી ઓવરઈટિંગ થતું નથી. રોજ નાસ્તામાં 1 ઈંડુ ખાવાથી વજન ઘટાડવામાં પણ મદદ મળે છે.