ફાયદો / સ્વસ્થ રહેવા માટે જરૂરી છે પ્રોટીન અને આ ફૂડ છે પ્રોટીનનું પાવરહાઉસ

• સ્વસ્થ રહેવા માટે જરૂરી છે પ્રોટીન
• આ ફૂડમાં રહેલુ છે ભરપૂર પ્રોટીન
• સ્વસ્થ રહો મસ્ત રહો

દૂધ અને ડેરી પ્રોડક્ટ્સ

દૂધ, દહીં, પનીર કે અન્ય ડેરી પ્રોડક્ટ્સ પ્રોટીનનો સૌથી સારો સ્ત્રોત હોય છે. સાથે સાથે શરીરને કેલ્શિયમ અને વિટામિન્સ પણ મળી જાય છે અને હાડકાં નબળાં પડતાં નથી. રોજ એક ગ્લાસ દૂધ લો ફેટ દૂધ જરૂર પીવો.

પમ્પકીન સીડ્સ

28 ગ્રામ કોળાંનાં બી (પમ્પકીન સીડ્સ)માં 5 ગ્રામ પ્રોટીન હોય છે. આ ઉપરાંત તેમા મેગ્નેશિયમ, આયર્ન, ઝિંક પણ હોય છે. તમે તેને સ્નેક્સ તરીકે કે સ્મૂધીના રૂપમાં ડાયટનો ભાગ બનાવી શકો છો. તમારે રોજ બે ચમચી મિક્સ સીડ્સ ખાવાં જ જોઇએ.

ટોફુ

જો તમે શાકાહારી હો તો ટોફુ પ્રોટીનનો સૌથી સારો સ્ત્રોત છે. તેમાં 10થી 19 ટકા પ્રોટીનની સાથે આયરન, કેલ્શિયમ અને મેગ્નેશિયમ હોય છે. 

બાફેલા ચણા

એક કપ બાફેલા ચણામાં 16 ગ્રામ પ્રોટીન હોય છે. તે શરીરને એનર્જી આપે છે. સાથે સાથે શરીરમાં લોહીની કમી પણ પૂરી થાય છે. તમે ઇચ્છો તો સલાડ બનાવીને ખાઇ શકો છો. 

બ્રોકલી

એક કપ બ્રોકલીમાં 6 ગ્રામ પ્રોટીનની સાથે 30 ટકા કેલ્શિયમ પણ હોય છે. તમે ઇચ્છો તો સૂપ, સલાડ કે શાકભાજીના રૂપમાં બ્રોકલીનું સેવન કરી શકો છો.

દાળ

મસૂર, અડદ, મગ જેવી દાળમાં પ્રોટીન ઉપરાંત વિટામિન્સ, આયર્ન, કેલ્શિયમ હોય છે. સાથે તેમાં ફાઇબર પણ હોય છે. જે પેટ સાથે જોડાયેલી પરેશાનીઓ દૂર કરે છે. 

ક્વિનોઆ

એક કપ ક્વિનોઆમાં આઠ ગ્રામ પ્રોટીન અને મેગ્નેશિયમ હોય છે, જે પેટ સાથે  જોડાયેલી સમસ્યાઓને દૂર કરે છે.