ઘણીવાર કોઇક કારણસર આપણો મુડ ખરાબ હોય છે. મુડ ખરાબ હોય ત્યારે વ્યક્તિ શુગર વાળી વસ્તુઓ કે જંકફુડ લેવાનું પસંદ કરે તેવું બની શકે છે. આ હેલ્ધી ઓપ્શન નથી.
જો તમે હેલ્ઘી ઓપ્શન તરફ વળશો તો હેલ્થ પણ સારી રહેશે અને મુડ પણ.. એવા કયા હેલ્ધી ફુડ છે જે તમારો મુડ સ્વીંગ થતો બચાવી શકશે અથવા તમારો ખરાબ મુડ સારો કરી શકશે.
મશરુમ
પ્રાકૃતિક એન્ટીબાયોટિકના રુપમાં કામ કરનાર મશરુમ સિઝનલ અસરને ઘટાડવા ઉપરાંત ઘણા રોગોથી પણ બચાવે છે. સીઝન ડાઉન હોય તેવા સમયે મુડ ખરાબ રહેતો હોય તો મશરુમ ખાવાથી મુડ સુધરે છે. આ ફુડ રોજ ખાવાથી બ્લડપ્રેશર પણ નિયંત્રણમાં રહે છે.
મેથી
કેટલાક ઔષધીય ગુણોથી ભરપુર એવી મેથી તમામ રોગોમાં દવાનું કામ કરે છે. તેમાં રહેલા પ્રોટીન, ફાઇબર, વિટામીન-સી, પોટેશિયમ, આયર્ન શરીરની કાર્યપ્રણાલી સુધારે છે. ઠંડીની સીઝનમાં લીલી મેથી ખુબ ખાઇ લેવી એ સિવાય સુકી મેથી ખાઇ લેવી તેના દાણા રસોઇમાં છુટ્ટા હાથે વાપરવા.
સુકોમેવો
અખરોટ અને બદામ જેવા ડ્રાયફ્રુટ પોષકતત્વોથી ભરપુર હોય છે. તેમાં રહેલુ સેલેનિયમ અને ઓમેગા-3 ફેટી એસિડ મગજને સ્ટ્રેસ સામે લડવાની તાકાત આપે છે. તમે લો ફીલ કરતા હો તો તમારે ડ્રાયફ્રુટ ખાઇ લેવું, તમારો મુડ સુધરવા લાગશે.
કેળા
કેળામાં ફીલ ગુડ ફેક્ટર છે. કેળામાંથી ઇન્સ્ટન્ટ એનર્જી મળે છે. તેમા રહેલા ટ્રિપ્ટોફેનથી ફિલ ગુડ હોર્મોન સેરોટોનિન પણ વધે છે. સ્ટ્રેસ દુર કરવા માટે વિટામીન બી-12 સાથે ફોલિક એસિડનું કોમ્બિનેશન જરુરી છે. તેનાથી મગજને ખુશીનો અહેસાસ થાય છે. કેળાની જેમ આખા ધાન્યના ખાદ્યપદાર્થો, સોયા પ્રોડક્ટ, ઓટમીલ અને સરસવમાં પણ તેનું મિશ્રણ હોય છે તેથી આ ફુડ પણ તમને ફિલ ગુડ કરાવે છે.
દુધ
દુધમાં રહેલું ટ્રિપ્ટોફેન નામનું તત્વ ખુશીના હોર્મોન્સ સેરોટોનિનનું લેવલ વધારવામાં મદદ કરે છે. તેમાં વિટામીન બી12 અને વિટામીન ડી હોય છે જે સ્ટ્રેસ દુર કરે છે.
દ્રાક્ષ અને સંતરા
દ્રાક્ષ અને સંતરામાં નેચરલ શુગર અને વિટામીન સી, પોટેશિયમ, એન્ટીઓક્સિડન્ટ હોય છે. નારંગી, મોસંબીમાં વિટામીન સી તેમજ ફ્લેવોનાઇડ્સ જેવા એન્ટીઓક્સિડન્ટ્સ હોય છે જે મગજને ફ્રેશ રાખવા માટે જાણીતા છે.
પાલક
ગ્રીન વેજિટેબલ્સ તો હેલ્થ માટે બેસ્ટ છે જ. તેમાંય પાલકની તો વાત જ નિરાળી છે. પાલકમાં અદભુત વિટામીન અને મિનરલ્સનો ખજાનો હોય છે. જો તમે રોજ પાલકનો સુપ પીવો કે શાક ખાવ તો તમારે મલ્ટીવિટામીનની ટેબલેટ નહીં લેવી પડે. તે પણ એક મુડ બસ્ટર ફુડ છે. તે ડાઉન થયેલા મુડને ફરી અપ કરે છે.