કોરોના વાયરસે સમગ્ર દુનિયામાં કાળો કેર વર્તાવ્યો છે. દુનિયાભરમાં કોરોનાને કારણે મૃત્યુ પામનાર લોકોની રિપોર્ટ બતાવે છે કે, આ વાયરસને કારણે તેમના ફેફસા કેટલી ઝડપથી ખરાબ થઈ જાય છે અને તેમને શ્વાસ લેવામાં તકલીફ થાય છે. આનો ખતરો વૃદ્ધોને વધુ હોય છે કારણ કે ઉંમર વધવાની સાથે તેમના ફેફસા નબળાં થઈ જાય છે. જેથી આજે અમે તમને ડાયટમાં કેટલીક એવી શ્રેષ્ઠ વસ્તુઓ વિશે જણાવીશું, જેનું સેવન કરવાથી ફેફસા હેલ્ધી અને મજબૂત બને છે.
કોરોનાથી બચવા ફેફસાને રાખો સ્વસ્થ
આ ફૂડ્સ ખાઈને બચી શકો છો ફેફસાના ઈન્ફેક્શનથી
એન્ટીઓક્સીડેન્ટ્સથી ભરપૂર વસ્તુઓનું કરો સેવન
અખરોટ
અમેરિકન કોલેજ ઓફ ન્યૂટ્રિશનમાં પ્રકાશિત જર્નલ અનુસાર, અખરોટ ઓમેગા -3 ફેટી એસિડનો બેસ્ટ સોર્સ છે. દરરોજ આહારમાં મુઠ્ઠીભર અખરોટ ખાવાથી તમે ફેફસાની સમસ્યાથી છૂટકારો મેળવી શકો છો. તે શ્વાસ સંબંધીસમસ્યાઓ એટલે કે અસ્થમામાં પણ ફાયદાકારક છે.
ફેટી ફિશ
જે ફિશમાં ફેટની માત્રા વધુ હોય છે. એવી ફિશનું સેવન કરવાથી ફેફસા મજબૂત રહે છે. તેમાં પૂરતા પ્રમાણમાં ઓમેગા-3 ફેટી એસિડ હોય છે.
સફરજન
હેલ્ધી ફેફસા માટે રોજ સફરજન ખાવું ખૂબ જ જરૂરી છે. તેમાં રહેલાં વિટામિન્સ ફેફસાને હેલ્ધી બનાવવામાં મદદ કરે છે. એક સંશોધન પ્રમાણે ફેફસાને હેલ્ધી રાખવા વિટામિવ-ઈ, સી, બીટા કેરોટીન અને ખાટ્ટાં ફળો ખૂબ જ સારા માનવામાં આવે છે.
બ્રોકલી
એન્ટીઓક્સીડેન્ટથી ભરપૂર બ્રોકલી ફેફસાના સ્વસ્થ રાખવા માટે ખૂબ જ કારગર માનવામાં આવે છે. બ્રોકલી સ્ટેમિના વધારવામાં પણ મદદ કરે છે.
બેરિઝ
બેરિઝમાં એન્ટીઓક્સીડેન્ટ્સ ભરપૂર પ્રમાણમાં હોય છે. જેથી ફેફસાને હેલ્ધી રાખવા માટે ક્રેનબેરીઝ, દ્રાક્ષ અને સ્ટ્રોબેરીઝ ખાવી જોઈએ.
એપ્રિકોટ
એપ્રિકોટમાં ભરપૂર પ્રમાણમાં વિટામિન એ હોય છે. જે ફેફસાને સ્વસ્થ રાખે છે અને ફેફસાના ઈન્ફેક્શનથી બચાવે છે.
પાણી
પૂરતાં પ્રમાણમાં પાણી પીવું ફેફસા માટે ખૂબ જ જરૂરી છે. દરરોજ 6થી 8 ગ્લાસ પાણી પીવું જોઈએ. જેથી ફેફસા પ્યોરીફાઈ થાય અને રોગો દૂર રહે.
બીન્સ
અમેરિકન કેન્સર સોસાયટી મુદબ બીન્સનું સેવન કરવાથી ફેફસા સ્વસ્થ રહે છે. બીન્સ ખાવાથી બોડીને જરૂરી ન્યૂટ્રિઅન્ટ્સ મળે છે.
ઉપર જણાવેલી તમામ હેલ્ધી વસ્તુઓ ખાવાની સાથે દારૂ અને ગુટખા, સિગરેટથી દૂર રહેવું. કારણ કે આ વસ્તુઓ ફેફસાને નબળાં કરે છે અને ઈમ્યૂનિટી ઘટાડે છે.