જો તમને કહેવામાં આવે કે કેન્ડી ખાવા માટે તમને લાખો રૂપિયા મળશે તો તમે શું કરશો? કદાચ જ કોઈ એવુ હશે જે નોકરીની ના પાડશે. એક કંપની જે કેન્ડીનુ ઉત્પાદન કરે છે તેણે એક સારી નોકરી ઑફર કરી છે.
કેન્ડી ખાવો અને વાર્ષિક 61 લાખ રૂપિયા કમાવો
આ કંપની શોધી રહી છે ચીફ કેન્ડી ઓફિસર
આ કામ ઘરે બેઠા બેઠા કરવાનુ છે
કેન્ડી ખાવા માટે તમને લાખો રૂપિયા મળે તો તમે શું કરશો?
જ્યારે બાળકો નાના હોય છે ત્યારે કેન્ડી ખાવાનો શોખ વધારે હોય છે. જો કે, મોટા થયા બાદ પણ લોકોને કેન્ડી ખાવાની આદત છૂટતી નથી. જો તમને કહેવામાં આવે કે કેેન્ડી ખાવા માટે તમને લાખો રૂપિયા મળશેે તો તમે શું કરશો. કેન્ડી લવર્સ પોતાની નોકરી છોડીને કેન્ડી ફનહાઉસ દ્વારા ઑફર કરવામાં આવેલી નોકરીની તકને હાથમાંથી ગુમાવવા નહીં દે. આ કંપની ચોકલેટ બારથી લઇને લિકોરાઈસ સુધી કન્ફેક્શનરીની એક ઑનલાઈન રિટેલર વિક્રેતા છે.
ટેસ્ટ માટે દર મહિને મળશે લાખો રૂપિયા
કેનેડાની કંપની $100,000 કેનેડિયન ડૉલર (61.14 લાખ રૂપિયા) પગાર માટે એક મુખ્ય કેન્ડી અધિકારીને પસંદ કરી રહી છે. એટલું જ નહીં, આ કામ તમારે તમારા ઘર પર બેઠા-બેઠા કરવાનુ છે, એટલેકે વર્ક ફ્રોમ હોમની સુવિધા. હા, તમારે ઘરે બેઠા-બેઠા કેન્ડીનો ટેસ્ટ કરવાનો છે અને તેના બદલે તમને મળશે લાખો રૂપિયા. જુલાઈમાં લિંક્ડઇન પર પોસ્ટ કરવામાં આવેલી પોસ્ટમાં કહેવામાં આવ્યું છે કે ડ્યુટીમાં મુખ્ય કેન્ડી બોર્ડની મીટિંગ્સ, મુખ્ય સ્વાદ પરીક્ષક અને આવા રસપ્રદ કામનો સમાવેશ થાય છે. આ ઉપરાંત માતા- પિતાની મંજૂરીની સાથે પાંચ વર્ષથી વધુની ઉંમરના અરજદારો માટે આ જગ્યા ઓપન છે.
Hiring: CHIEF CANDY OFFICER! 🍭 Are you passionate about CANDY, POP CULTURE and FUN? Get paid 6 figures to lead our Candyologists. Job is open to ages 5+, you can even apply on behalf of your kid! #DreamJob#hiring#careers#candypic.twitter.com/p9mmlPg5R6
મુખ્ય કાર્યકારી અધિકારી જમીલ હેજાજીએ કહ્યું કે તેમને અમુક અનઅપેક્ષિત અરજીઓ મળી છે. તેમણે કહ્યું કે વેતન અને કામને શેર કરનારા ઈચ્છુક પરિવારોના વીડિયો પણ અરજીમાં મળ્યાં. જમીલે મીડિયા સાથેની વાતચીતમાં કહ્યું કે સોશિયલ મીડિયાનો દાવો છે કે એક મુખ્ય કેન્ડી અધિકારીને દર મહિને કેન્ડીના 3500 ટુકડા ખાવાની જરૂર પડશે. જે ખોટુ છે. એક દિવસમાં માત્ર 117 ભાગને ટેસ્ટ કરવા પડશે. આ ખૂબ સારા છે.