વેડિંગ સ્પેશ્યિલ / લગ્નના ખર્ચને કારણે વધી રહ્યું છે તમારું ટેન્શન! આ 7 ટિપ્સથી બચાવી લો તમારા રૂપિયા

• લગ્નમાં આ રીતે કરો પ્લાનિંગ
• બચશે તમારા રૂપિયા અને મળશે સુવિધા
• વેડિંગ પ્લાનર સાથે કરી લો કોન્ટેક્ટ

વેડિંગ હોલ ક્યારે કરશો બુક?

શિયાળાની સીઝનમાં લોકો ગાર્ડનને બદલે મેરેજ હોલમાં લગ્નની વ્યવસ્થા કરે છે. લગ્નની તારીખના થોડા દિવસ પહેલાં બુકિંગ તમને મોંઘું પડી શકે છે. તમે ઓફ સીઝનમાં હોલ બુક કરાવી લો તો તમે થોડા વધારે રૂપિયા અહીં બચાવી શકો છો. 

શા માટે ખરીદવા લહેંગો કે શેરવાની?

દરેક વર અને વધૂની ઇચ્છા હોય છે કે તે લગ્નમાં અલગ દેખાય. આ માટે તેઓ કપડાં પર ઘણો ખર્ચ કરે છે. પરંતુ અહીં તમારે એ પણ સમજવું કે આ કપડાં તમારે એક જ વખત પહેરવાના છે. લગ્ન માટે કપડાં ખરીદવાના બદલે તમે તેને ભાડેથી લઈ શકો છો.  તેનાથી તમારા અનેકગણા રૂપિયા બચશે.

ભાડા પર લઈ આવો જ્વેલરી

કપડાંની જેમ મોંઘી જ્વેલરી પણ તમે ભાડે લઈ શકો છો. આર્ટિફિશિયલ જ્વેલરી પણ સારી લાગે છે અને તેનાથી તમને એક હેવી લૂક મળે છે. ભાડા પર જ્વેલરી લઈ આવવાથી તમારા રૂપિયા ઓછા ખર્ચ થાય છે.

વેડિંગ પ્લાનર સાથે કરો કોન્ટેક્ટ

લગ્ન માટે ડેકોરેશન, કેટરિંગ, લોકેશન, ડીજે અને મેકઅપ આર્ટિસ્ટને માટે વેડિંગ પ્લાનરની સાથે વાત કરી લો તે જરૂરી છે. તે તમારા બજેટમાં તમને દરેક વ્યવસ્થા કરી આપે છે. તેને દરેક સામાનના બજેટની જાણકારી હોય છે. જેથી તમારું બજેટ અને પ્લાનિંગ સચવાઈ રહે છે.

તમારી મેકઅપ કિટ વાપરો

દુલ્હન બનનાર વ્યક્તિએ મેકઅપ આર્ટિસ્ટ ભલે રાખ્યા હોય પણ તેની સાથે શરત રાખવી કે જ્યારે તે આવે ત્યારે મેકઅપ કિટ તમારી રહેશે. તેઓ ફક્ત મેકઅપ કરી આપશે. યાદ રાખો, કોઈ પણ આર્ટિસ્ટ પોતાના સામાનની સાથે મેકઅપ લાવીને તમારી પાસે બમણા રૂપિયા લઈ શકે છે. 

શિયાળાને ધ્યાનમાં રાખીને પસંદ કરો વાનગીઓ

શિયાળાની સીઝન હોવાના કારણે લગ્નમાં એવું મેનૂ પસંદ કરો જેમાં શિયાળુ વાનગીઓનો સમાવેશ થાય અને દરેક વાનગીઓ ગરમાગરમ પીરસવામાં આવે. જો તમે આ પ્રકારના 4-5 મેનૂ રાખી લો છો તો તમે ઘણા રૂપિયા મેનૂમાં બચાવી શકો છો. 

ડિજિટલ કાર્ડનો ટ્રેન્ડ

લગ્નમાં મોંઘા ઇન્વિટેશન કાર્ડને બદલે તમે ડિજિટલ કાર્ડ બનાવડાવી શકો છો. તમે તેને મિત્રો અને સંબંધીઓને ફોરવર્ડ કરી શકો છો. આ ટ્રેન્ડ આજકાલ ફેશનમાં છે. તેમ છતાં જો તમે કાર્ડ છપાવવા ઈચ્છો છો તો તમે સ્પેશ્યલ ગેસ્ટનું એક લિસ્ટ તૈયાર કરો અને તેના આધારે કાર્ડ છપાવો. તેનાથી તમારો ખર્ચ ઓછો થઈ જશે.