ડિજિટલ ટ્રાંઝેક્શનના સમયમાં દરેક માટે ક્રેડિટ સ્કોર જરૂરી છે. આજના સમયમાં, ક્રેડિટ સ્કોર જ નક્કી કરે છે કે તમને કેટલી લોન મળશે અને તેનો વ્યાજ દર શું હશે? આ સાથે જ બેંકમાં તમારી ક્રેડિટ વિશે પણ ખબર પડે છે. જો તમારો ક્રેડિટ સ્કોર સારો છે, તો તમારી આર્થિક સ્થિતિ પોઝિટિવ હશે. જેથી ગ્રાહકોએ તેમના ક્રેડિટ સ્કોરનો ખાસ ધ્યાન રાખવો. ક્રેડિટ સ્કોર સંસ્થા સિબિલ મુજબ, સ્કોર રેન્જ 300 થી 900 ની વચ્ચે હોય છે. જેમનો સ્કોર 750 અથવા તેથી વધુ છે, તેમને સરળતાથી લોન મળી રહે છે. ખરાબ સ્કોર એટલે જે લોન ન ચૂકવી શકે. ચાલો જાણી ક્રેડિટ સ્કોર સારો રાખવાની ટિપ્સ.
ક્રેડિટ કાર્ડ ધારકો માટે કામની ટિપ્સ
ક્રેડિટ સ્કોર સારો રાખવા આટલું ધ્યાન રાખો
પેમેન્ટની તારીખ યાદ રાખો
જો તમે ક્રેડિટ કાર્ડથી કોઈપણ વસ્તુ ખરીદી છે, તો પછી તેની ચુકવણી માટેની છેલ્લી તારીખ યાદ રાખો. ક્રેડિટ કાર્ડ બીલની ચુકવણી માટેની છેલ્લી તારીખ પણ યાદ રાખો. આમાં બેદરકારી કરવાના કારણે, તમારા ક્રેડિટ સ્કોર પર ખરાબ અસર થાય છે.
ક્રેડિટ યુટિલિટી રેશિયો
આનો અર્થ એ કે તમે તમારા ખર્ચ અને મહત્વપૂર્ણ કાર્ય માટે જે રકમ નિર્ધારિત કરી છે તે મુજબ કેટલા રૂપિયાની લોન લીધી છે. ઉદાહરણ તરીકે, તમારા ક્રેડિટ કાર્ડ પર લોનની મર્યાદા 2 લાખ રૂપિયા છે અને જો તમે 80,000 રૂપિયાની લોન લીધી છે, તો તમારું ક્રેડિટ યુટિબ્યુલેશન રેશિયો 40 ટકા રહેશે. નિષ્ણાતો માને છે કે ગુણોત્તર જેટલું ઓછું, કાર્ડધારક માટે લોન લેવાનું સરળ બનશે.3. કાર્ડની લિમિટ વારંવાર ન વધારો
વારંવાર ક્રેડિટ કાર્ડની લિમિટ વધારવી નહીં
તમારો સારો ક્રેડિટ સ્કોર જોઈને, કંપની તમને કાર્ડ પર લોનની મર્યાદા વધારવા માટે વારંવાર કોલ કરશે અથવા ઘણાં કાર્ડ ધારકો પોતાના ખર્ચને કારણે તેમના કાર્ડની મર્યાદામાં વધારો કરશે, પરંતુ અમે તમને એ સલાહ આપીશું કે તમે એક કે બે વાર વધુ તમારા કાર્ડની મર્યાદા ન વધારો. કારણ કે બિલ વધુ હોવાની સ્થિતિમાં તમે દેવામાં ડૂબી શકો છો.
સેટલમેન્ટ નહીં લોન સમાપ્ત કરો
ક્રેડિટ સ્કોરની હિસ્ટ્રીમાં જોવામાં આવે છે કે જૂની લોન ચૂકવી દેવામાં આવી છે કે સેટલમેન્ટ કરવામાં આવ્યું છે. સેટલમેન્ટમાં દેવાદારનું જોખમ વધે છે અને ક્રેડિટ સ્કોરને અસર કરે છે.
છેતરપિંડી પ્રત્યે જાગૃત રહેવું
છેલ્લા કેટલાક મહિનામાં, ગ્રાહકોએ વિવિધ બિલ ચુકવણી માટે વધુને વધુ ડિજિટલ વ્યવહારો અપનાવ્યાં છે, જેના કારણે ઓનલાઇન ફ્રોડ એટલે કે છેતરપિંડીમાં પણ વધારો થયો છે. આવી સ્થિતિમાં કોઈની સાથે ઓટીપી, ક્રેડિટ અને ડેબિટ કાર્ડ કે સીવીવી નંબર અને નેટ બેન્કિંગ પાસવર્ડ શેર કરશો નહીં.