ડિજિટલ ટ્રાન્ઝેક્શન દ્વારા એક ખાતામાંથી બીજા ખાતામાં પૈસા ટ્રાન્સફર કરતી વખતે ભૂલ થવાની શક્યતા રહેલી છે. ખોટી માહિતીને કારણે ઘણી વખત ખોટા ખાતામાં પૈસા ટ્રાન્સફર થઇ શકે છે. જાણકારી ન હોવાને કારણે ઘણી વખત આ પૈસા ગુમાવોનો વારો આવી શકે છે. પરંતુ શું તમને ખબર છે કે તમે ખૂબ જ સરળતાથી તમારા પૈસા ખાતામાં પરત મેળવી શકો છો.
આ રીતે પરત ફેરવો રકમ:
જો ભૂલથી કોઇના ખાતામાં રકમ ટ્રાન્સફર થઇ જાય તો સૌથી પહેલા તેની ફરિયાદ બેંકમાં કરવી. જેના માટે તમે ફોન ઈમેલ તથા બેંક મેનેજરનો સંપર્ક કરીને માહિતી આપી શકો છો. બેંક ટ્રાન્ઝેક્શનની તારીખ સમય એકાઉન્ટ નંબર જે ખાતામાં ભૂલથી પૈસા ટ્રાન્સફર થયા છે તે એકાઉન્ટ નંબર કેટલી રકમ ટ્રાન્સફર થઈ તેની માહિતી આપવાની રહેશે.
ફરિયાદ મળતા બેંક પોતાના ગ્રાહક પાસે પૈસા ટ્રાન્સફર કરવાની પરવાગની માંગશે. જે વ્યક્તિના ખાતામાં પૈસા ટ્રાન્સફર થયા છે તે પૈસા પરત આપવાની ના પાડે તો તેની કાયદેસરની કાર્યવાહી કરી શકાય છે. ગ્રાહકને પૈસા પરત કરવાની જવાબદારી બેંકની રહેલી છે.
રિઝર્વે બેંક અનુસાર જો કોઇ ખોટા ખાતામાં પૈસા પહોંચી ગયા છો અને બેંકોની ફરિયાદ મળે જલ્દીથી પગલા ભરવાનો નિર્દેશ કરવામાં આવ્યો છે. ગ્રાહકોના પૈસા પરત મળવાની જવાબદારી બેંકો પાસે છે.