અનેકવાર ખાંડ સ્ટોર કરવાથી તેમાં ભેજના કારણે ગટ્ઠા થાય છે કે પછી કીડીઓ ચઢી જાય છે તો તમે આ ટિપ્સ અપનાવી શકો છો.
આ રીતે ખાંડને કરો સ્ટોર
નહીં ચઢી જાય કીડીઓ
ભેજને કારણે નહીં જામે ગટ્ઠા
રસોઈમાં અનેક ખાવા પીવાની ચીજો એવી છે જેને સારી રીતે સ્ટોર ન કરાય તો તે ખરાબ થવા લાગે છે. ખાંડને સ્ટોર કરવાનું કામ મુશ્કેલ છે. તેમાં ભેજ આવે છે અને તેના ગટ્ઠા થઈ જાય છે અથવા તો તેમાં કીડીઓ પણ ચઢવા લાગે છે. તો જાણો કઈ રીતે સ્ટોર કરવાથી તમે આ મુસીબતોથી રાહત મેળવી શકો છો.
આ રીતે ખાંડને બચાવો ભેજથી
સીઝન કોઈ પણ હોય ખાંડને યોગ્ય રીતે સ્ટોર ન કરાય તો તે ખરાબ થઈ જાય છે. જો તમે ઈચ્છો છો કે તે ખરાબ ન થાય તો તેને એવી જગ્યાએ રાખો જ્યાં તાપમાન નહીંવત હોય. તમે ખાંડને પ્લાસ્ટિક કે એલ્યુમિનિયમના ડબ્બામાં રાખો છો તો તમે તેને હવેથી કાચમાં રાખવાનું શરૂ કરો. તેનો ઉપયોગ કર્યા બાદ ઢાંકણું સારી રીતે ટાઈટ બંધ કરો. ખાંડમાં ભેજ આવી જાય તો તને એક વાસણમાં કાઢીને તે વાસણને ચોખાના ડબ્બામાં રાખો તેનાથી તેનો ભેજ ખતમ થઈ જશે.
કીડીઓથી આ રીતે બચાવો તમારી ખાંડને
ખાંડમાં કીડીઓ ચઢી જવી સામાન્ય વાત છે. ખાંડના ડબ્બાને સારી રીતે બંધ નહીં કરો તો કીડીઓ આવશે. આ સાથે જ તમે ડબ્બાને બંધ કરો ત્યારે પ્લાસ્ટિકની થેલી લગાવી લો. તેનાથી તે ટાઈટ બંધ થશે અને તેમાં કીડીઓ જઈ શકશે નહીં. જો તમને આ ડબ્બો વારેઘડી ખોલવામાં પરેશાની થાય છે તો તમે તેમાં તજના 1-2 ટુકડા નાંખી લો. તે ન હોય તો તમે લવિંગ કે કાળા મરી પણ નાંખી શકો છો. તેનાથી પણ કીડીઓ આવતી નથી. નાની એલચીને ખોલીને તેને પણ ખાંડના ડબ્બામાં નાંખી રાખશો તો તેની સ્મેલથી કીડીઓ ભાગી જશે.
ખાંડને જામી જવાથી આ રીતે બચાવો
જો લાંબા સમય સુધી ખાંડનો ઉપયોગ ન કરાય તો તેને જે ડબ્બામાં રાખી છે તેને પણ ઉપયોગમાં ન લેવાય તો તે જામી જાય છે. રોજનો ડબ્બો અલગ રાખો અને સ્ટોર કરવાનો ડબ્બો અલગ રાકો. આ સિવાય રોજનો ડબ્બો ખાલી થાય તો તેને ધોઈ, લૂસીને પછી તેમાં ખાંડ ભરો. ધ્યાન રાખો કે ખાંડના ડબ્બામાં ભીની ચમચી ન રાખો. તેનાથી ભેજ આવશે અને ખાંડ જામી જશે.