હેયર પ્રોબ્લેમ / ગમે તે કરો ડેન્ડ્રફ જતો નથી? તો એકવાર આ 4 ઉપાય અજમાવો, જડમૂળથી થઈ જશે ગાયબ

• શિયાળામાં હેરાન કરે છે ડેન્ડ્રફ
• ગમે એવો ડેન્ડ્રફ થઈ જશે દૂર
• ઘરે જ કરો આ 4 અક્સિર ઉપાય

કડવા લીમડાનું પાણી

લીમડામાં રહેલી એન્ટીબેક્ટેરિયલ અને એન્ટીફંગલ પ્રોપર્ટી ડેન્ડ્રફને દૂર કરવામાં ખૂબ જ અસરકારક સાબિત થાય છે. લીમડો અને સ્કિન રોગો અને વાળના રોગોને દૂર કરવા માટે સદીઓથી ઉપયોગ કરવામાં આવે છે. તેના ઉપયોગ માટે 1 બાઉલ કડવા લીમડાના પાન લઈને ધોઈને તેને 1 ગ્લાસ પાણીમાં 15 મિનિટ ઉકાળી લો. પછી આ પાણી ઠંડુ કરીને સ્પ્રે બોટલમાં ભરી લો. હવે વાળ ધોવાના 1 કલાક પહેલાં વાળમાં આ પાણીથી સ્પ્રે કરી દો. સ્કેલ્પમાં સ્પ્રે કર્યાં બાદ હળવા હાથે મસાજ કરો. સપ્તાહમાં 3 વાર આ ઉપાય અજમાવો. 

ટી ટ્રી ઓઈલ

આ એક એસેન્સિયલ ઓઈલ છે. તેના ફાયદાઓને કારણે તે ખૂબ જ જાણીતું છે. આ ઓઈલ હેઅર અને સ્કિન બંનેની સમસ્યાઓને દૂર કરવામાં મદદ કરે છે. તેમાં એન્ટીફંગલ અને એન્ટીએક્ને પ્રોપર્ટી રહેલી છે. સાથે જ તે વાળમાં થતાં બેક્ટેરિયલ ઈન્ફેક્શનને પણ દૂર કરવામાં મદદ કરે છે. તેના ઉપયોગ માટે તમારા શેમ્પૂમાં 5-6 ડ્રોપ આ ઓઈલના મિક્સ કરી તેના હેઅર વોશ કરો. ડેન્ડ્રફ સાવ જતો રહેશે. 

લસણ

લસણ સ્વાસ્થ્ય માટે તો વરદાન સમાન છે જ પણ તે વાળની પણ સમસ્યાઓને દૂર કરવામાં મદદ કરે છે. તેમાં રહેલી એન્ટીબેક્ટેરિયલ, એન્ટીફંગલ પ્રોપર્ટી સ્કેલ્પમાં ચોંટેલા ડેન઼્ડ્રફને દૂર કરે છે અને સ્કેલ્મમાં રહેલાં ઈન્ફેક્શનને પણ ઠીક કરે છે. તેના ઉપયોગ માટે એક કપ પાણીમાં 4-5 લસણની કળી ક્રશ કરીને 5 મિનિટ ઉકાળો. તમે તેમાં આદુનો ટુકડો પણ નાખી શકો છો. પછી તે ઠંડુ થાય એટલે તેમાં 1 ચમચી મધ મિક્સ કરીને સ્કેલ્પમાં લગાવી દો. આખી રાત લાગેલું રાખો અને સવારે હેઅર વોશ કરી દો.

એપ્પલ સાઈડર વિનેગર

વિનેગર વાળમાં આવતી ખંજવાળ અને ફંગલને દૂર કરવામાં કારગર છે. તે ડેન્ડ્રફને દૂર કરવામાં મદદ કરે છે. તેમાં રહેલી મેડિકલ પ્રોપર્ટી વાળને હેલ્ધી અને ડેન્ડ્રફમુક્ત રાખવામાં મદદ કરે છે. તેની એસિડિક પ્રોપર્ટી ડેન્ડ્રફ પાછો થવા નથી દેતી. તેના ઉપયોગ માટે 5 ચમચી પાણીમાં 1 ચમચી વિનેગર મિક્સ કરીને સ્કેલ્પમાં લગાવો અને 1 કલાક પછી હેઅર વોશ કરી દો. તમે શેમ્પૂમાં પણ મિક્સ કરી શકો છો.