નવાં નાણાકીય વર્ષ માટે ટેક્સ રિટર્ન ફાઈલ કરવા માટે ઈ ફાઈલિંગ પ્રક્રિયામાં ફોર્મ દીઠ જરૂરી સુધારા વધારા કરાયા છે. આઈ.ટી.આર ૧ ફોર્મમાં ટેક્સ અંગેની છૂટ, આવકનો શોર્સ અને પેન્શન અંગેની વિગતો ઉમેરવામાં આવી છે.
૨૦૧૮-૧૯નું નાણાકીય વર્ષ પૂરું થતાં હવે ઈન્કમટેક્સ રિટર્ન ભરવાની શરૂઆત થશે ત્યારે ઈન્કમટેક્સ વિભાગ દ્વારા ઓનલાઈન રિટર્ન ભરવા માટે ઈ ફાઈલિંગ ફોર્મ ભરવાનું રહેશે.
નાણાકીય વર્ષ ૨૦૧૯-૨૦ માટે ઈન્કમટેક્સ વિભાગનું આઈટીઆર ફોર્મને વધારે સરળ બનાવીને ઓનલાઈન મૂકી દીધું છે. ઘણા લાંબા સમયથી આ ફોર્મમાં સુધારા કરીને સરળ કરવા માટે અનેક રજૂઆતો કરવામાં આવી હતી. જેના પરિણામે હવે વિભાગે નવું ફોર્મ પોર્ટલ ઉપર મૂક્યું છે. આ સરળ ફોર્મના કારણે કરદાતાઓને રિટર્ન ફાઈલ કરવામાં ઘણી રાહત મળશે.
નવાં નાણાકીય વર્ષ માટે ટેક્સ રિટર્ન ફાઈલ કરવા માટે ઈ ફાઈલિંગ પ્રક્રિયામાં ફોર્મ દીઠ જરૂરી સુધારા વધારા કરાયા છે. આઈ.ટી.આર ૧ ફોર્મમાં ટેક્સ અંગેની છૂટ, આવકનો શોર્સ અને પેન્શન અંગેની વિગતો ઉમેરવામાં આવી છે. જ્યારે આઈ.ટી.આર ૨ના ફોર્મમાં રહેણાક સ્ટેટસની વિગત, ડાયરેક્ટરશિપ અંગેની વિગત, ટેક્સની છૂટ અંગેનું ડિસક્લોઝર અને આઈ.ટી.આર. ૩માં પાર્ટનરશિપ ફર્મ, ટેક્સની છૂટ, રેસિડેન્શિયલ સ્ટેટસ અને ડાયરેક્ટરશિપની વિગતો ઉમેરાઈ છે. આઈ.ટી.આર ૪માં આર્થિક વિગતો ઉમેરવામાં આવી છે.
આઈ.ટી.આર ૫માં સ્ટાર્ટઅપની વિગતો ઉમેરવામાં આવે છે. આઈ.ટી.આર ૬માં જીએસટીની વિગતો સંબંધિત સુધારા વધારા કરવામાં આવ્યા છે. આઈ.ટી.આર ૫,૬,૭ ફોર્મમાં વિદેશી પ્રોપર્ટી અંગેની વિગતો સંબંધિત સુધારા વધારા કરાયા છે.
નિષ્ણાતોનું કહેવું છે કે ફોર્મ સરળ થવાને કારણે રિટર્ન ફાઈલ કરવામાં સરળતા રહેશે. આ ફોર્મમાં સુધારા કરવા માટે જેટલી માગ કરવામાં આવી હતી તેને નવા ફોર્મમાં સમાવી લેવામાં આવી છે.