ડાર્ક સ્કિન, ખીલ, એક્ને, કરચલીઓ દૂર કરવી હોય તો ઘરે જ આ 4 ઉપાય કરવાનું શરૂ કરી દો.
એક સપ્તાહમાં ડાર્ક સ્કિન, ખીલ થઈ જશે દૂર
આ ઘરેલૂ ઉપાય સ્કિન માટે છે બેસ્ટ
ફળોથી ચહેરા પર મસાજ કરવાથી થશે ગજબ અસર
સ્કિનને હેલ્ધી અને યંગ રાખવા માટે યોગ્ય ડાયટ અને નેચરલ નુસખાઓનો ઉપયોગ બહુ જ જરૂરી છે. ઘણી એવી વસ્તુઓ હોય છે જેમાં એન્ટીએજિંગ પ્રોપર્ટી, વિટામિન્સ અને મિનરલ્સ હોય છે. આ વસ્તુઓને ફેસ પર લગાવવાથી ડાર્ક સ્કિન, ખીલ, એક્ને, કરચલીઓ વગેરેની સમસ્યા દૂર થાય છે અને સ્કિન યંગ અને ટાઈટ રહે છે. આ ઉપાય કરવાથી એક સપ્તાહમાં તમારી સ્કિનમાં ફરક દેખાવા લાગશે.
ગ્રીન ટી
ગ્રીન ટીમાં એન્ટીઓક્સીડેન્ટ હોય છે. જે સ્કિનને હેલ્ધી અને યંગ રાખે છે. તેના માટે 1 કપ પાણીમાં 1 ચમચી ગ્રીન ટીના પાન અથવા ફ્લેવર વિનાની ગ્રીન ટી બેગ પલાળી તે પાણી ચહેરા પર લગાવો. 10 મિનિટ બાદ ચહેરો પાણીથી ધોઈ લો.
હળદર અને ચંદન
હળદરમાં એન્ટીસેપ્ટિક પ્રોપર્ટી હોય છે અને ચંદન સ્કિનને ગ્લોઈંગ બનાવવાની સાથે ઠંડક આપે છે અને સ્કિન ટાઈટ રાખે છે. કાચાં દૂધમાં પેસ્ટ બને અને જરૂર હોય તે મુજબ અડધી ચમચી ચંદન પાઉડર અને અડધી ચમચી હળદર પાઉડર મિક્સ કરીને લગાવો. 10 મિનિટ બાદ ચહેરો પાણીથી ધોઈ લો.
ફળોથી ચહેરા પર મસાજ
તાજા ફળોથી ચહેરા પર મસાજ કરો. આનાથી કરચલીઓ સામે રક્ષણ મળે છે. શુષ્ક સ્કિન માટે કેળાનો, ઓઈલી સ્કિન માટે સિટ્રસ ફળો જેમ સંતરા, મોસંબી, બેજાન સ્કિન માટે સ્ટ્રોબેરી અને પિગમેન્ટેશન માટે પપૈયાનો ઉપયોગ કરો.
કાકડી, લીંબુનો રસ અને મધને મિક્સ કરીને લગાવો
એક ચમચી કાકડીનો રસ, એક ચમચી લીંબુનો રસ, એક ચમચી મધ આ ત્રણેયને મિક્સ કરીને દિવસમાં એકવાર અવશ્ય લગાવો. સૂકાય ગયા બાદ ધોઈ લો. આનાથી ખીલ દૂર થશે, ચહેરો ગોરો થશે અને ગ્લોઈંગ બનશે.