અવળચંડાઈ / લદાખ વિવાદ બાદ હવે ચીને ફરી કર્યું એવું કે નવા જૂની થવાના એંધાણ, બોર્ડર પર વધી શકે છે વિવાદ

• ચીનની સેનાએ ગોગરા અને હોટ સ્પ્રિંગ્સમાંથી પોતાના સૈનિકો અને ગાડીઓ હટાવવાથી કર્યો ઈનકાર
•  સૈન્ય સ્તરની 11માં બેઠક લગભગ 13 કલાક ચાલી
•  વિવાદ ખતમ કરવા વાતચીત ચાલુ રહેશે- ભારતીય સેના

ચીનની સેનાએ ગોગરા અને હોટ સ્પ્રિંગ્સમાંથી પોતાના સૈનિકો અને ગાડીઓ હટાવવાથી કર્યો ઈનકાર

ભારત અને ચીનની વચ્ચે સીમા તણાવને ઓછો કરવા માટે બન્ને દેશોની વચ્ચે સૈન્ય સ્તરની વાતચીતનો દોર ચાલુ છે. આ દરમિયાન ચીનની સેનાએ પૂર્વ લદ્દાખમાં ગોગરા અને હોટ સ્પ્રિંગ્સમાંથી પોતાના સૈનિકો અને ગાડીઓ હટાવવાથી ઈનકાર કરી દીધો છે. ચીન તરફથી આ કઠોર વલણ ફેબ્રુઆરીમાં પેંગોગ લેક સેક્ટર પર બન્ને સ્તર પર સૈનિકોની પીછે હટને લઈને બનેલી સહમતિ બાદ આવ્યો છે. ભારતીય સેનાના 14 કાર્પ્સથી જોડાયેલા એક મુખ્ય સુત્રએ એક મીડિયાને જણાવ્યું કે કાલે બન્ને દેશોની વચ્ચે 11માં સ્તરની વાર્તા થઈ જેમાં ચીન તરફથી નરમાશની જગ્યાએ કઠોરતા દર્શાવવામાં આવી છે.

 સૈન્ય સ્તરની 11માં બેઠક લગભગ 13 કલાક ચાલી

બન્નેની વચ્ચે સૈન્ય સ્તરની 11માં બેઠક લગભગ 13 કલાક ચાલી અને આ તે મહત્વની બેઠક બાદ આયોજિત કરવામાં આવી હતી જેમાં લદ્દાખના ગતિરોધને ઓછો કરવા માટે વિવાદિત પૈંગોગ લેકથી સૈનિકોની પીછે હઠને લઈને સહમતિ બની હતી. જે એક બીજાથી માત્ર 10 મીટરના અંતર પર તૈનાત હતા. આ વાર્તા 20 ફેબ્રુઆરીએ થઈ હતી.

આ બન્ને માટે મહત્વનું છે

સેટેલાઈટ ઈમેજથી જાણવા મળ્યુ હતુ કે વિશાળકાય લેકની કિનારા પર ફિંગર્સ કોમ્પ્લેક્સમાં ચીન સેના તરફથી પીછે હટની કાર્યવાહી થઈ છે. જો કે ચીન હજું પણ ગોગરા અને હોટ સ્પ્રિગ્સ વિસ્તારને લઈને અડ્યુ છે. આ બન્ને માટે મહત્વનું છે. ભારતે આ બન્ને પોસ્ટોમાં સીમાવર્તી સૈનિકો અને ગાડિઓની એકસમાન તબક્કાવાર રીતે ઘટાડો કરવાનો પ્રસ્તાવ કર્યો હતો. પરંતુ ચીને તેને ફગાવી દીધો છે.  ભારતીય સેનાએ કાલની વાતચીત બાદ જારી નિવેદનમાં કહ્યુ હતુ કે વિવાદ ખતમ કરવા વાતચીત ચાલુ રહેશે.