લોકપયોગી નિર્ણય / સામાન્ય લોકોનું જીવન બની જશે સરળ, મોદી સરકાર શરુ કરી છે જન સમર્થ પોર્ટલ, જાણો શું મળશે લાભ

• સરકાર ટૂંક સમયમાં શરુ કરશે જન સમર્થ પોર્ટલ 
• એક જ સ્થળે ઘણી સરકારી યોજના કરી શકાશે એક્સેસ 
• શરુઆતાં જન સમર્થ પોર્ટલમાં 15 યોજનાઓને આવરી લેવાશે
• ત્યાર બાદ તમામ યોજનાઓને સમાવી લેવાશે 

સરકાર પોતાની અલગ-અલગ યોજનાઓને એક જ પ્લેટફોર્મ પર ઉપલબ્ધ કરાવવા માટે 'જન સમર્થ' પોર્ટલ લોન્ચ કરવા જઈ રહી છે. સામાન્ય માણસનું જીવન સરળ બનાવવા માટે સરકારે આ નિર્ણય લીધો છે. આની મદદથી સામાન્ય લોકો માટે વિવિધ મંત્રાલયો અને વિભાગો દ્વારા સંચાલિત વિવિધ યોજનાઓ સુધી પહોંચવામાં સરળતા રહેશે. 

ટૂંક સમયમાં લોન્ચ થશે જન સમર્થ પોર્ટલ, શરુઆતમાં 15 યોજના આવરી લેવાશે 
સૂત્રોના જણાવ્યા અનુસાર, સરકાર ટૂંક સમયમાં જન સમર્થ નામનું પોર્ટલ લોન્ચ કરશે જેની પર  શરૂઆતમાં ક્રેડિટ સાથે જોડાયેલી 15 સરકારી યોજનાઓનો સમાવેશ કરવામાં આવશે. 

સરકારી યોજનાઓની પહોંચ બનશે સરળ 
સૂત્રોએ જણાવ્યું હતું કે, કેન્દ્રની કેટલીક યોજનાઓમાં ઘણી એજન્સીઓનો હિસ્સો હોવાથી સુવિધા ધીમે ધીમે વિસ્તૃત કરવામાં આવશે. ઉદાહરણ તરીકે, પ્રધાનમંત્રી આવાસ યોજના અને ક્રેડિટ લિંક્ડ કેપિટલ સબસિડી સ્કીમ (સીએલસીએસએસ) જેવી યોજનાઓ વિવિધ મંત્રાલયો દ્વારા ચલાવવામાં આવી રહી છે. આ પોર્ટલનો હેતુ સરકારની અલગ અલગ યોજનાઓને એક જ પ્લેટફોર્મ પર ઉપલબ્ધ કરાવવાનો છે, જેથી સામાન્ય લોકો કોઇ પણ પ્રકારની પરેશાની વગર સરળતાથી તેને એક્સેસ કરી શકે.

પાયલોટ ટેસ્ટિંગ ચાલી રહ્યું છે
જો કે, હાલમાં તેને સ્ટેટ બેંક ઓફ ઇન્ડિયા (એસબીઆઇ) અને અન્ય ધિરાણકર્તાઓ દ્વારા ચલાવવામાં આવી રહ્યું છે. સૂત્રોએ જણાવ્યું હતું કે પોર્ટલમાં એક ખુલ્લું આર્કિટેક્ચર હશે જેથી રાજ્ય સરકારો અને અન્ય સંસ્થાઓ પણ ભવિષ્યમાં આ પ્લેટફોર્મ પર તેમની યોજનાઓનો સમાવેશ કરી શકશે. લોન લેનારાઓને સુવિધા આપવા માટે સરકારે 2018માં એમએસએમઇ, હોમ, ઓટો અને પર્સનલ લોન સહિત વિવિધ પ્રકારના ક્રેડિટ ઉત્પાદનો માટે એક પોર્ટલ શરૂ કર્યું હતું. 

ક્યારે શરુ થશે જનસમર્થ પોર્ટલ

સૂત્રોના જણાવ્યાનુસાર આગામી અઠવાડિયે સરકાર જનસમર્થ પોર્ટલને લોન્ચ કરે તેવી શક્યતા છે. સમયમાં થોડું વહેલા કે મોડું થઈ શકે છે પરંતુ લોન્ચ થશે તે નક્કી છે. 

નાગરિકોને શું મળશે સુવિધા

જન સમર્થ પોર્ટલ શરુ થયા બાદ લોકોને એક જ સ્થળે તમામ સુવિધાઓની માહિતી મળી રહેશે.અત્યાર સુધી તો લોકોએ અલગ અલગ યોજનાઓ માટે અલગ અલગ મંત્રાલયો કે વેબસાઈટની મુલાકાત લેવી પડતી હતી પરંતુ આ પોર્ટલ લોન્ચ થયા બાદ લોકોએ એક જ જગ્યાએથી આ તમામ સુવિધાઓની માહિતી મળી શકશે.