ભૂકંપ / ભારત, પાકિસ્તાન, ચીન સહિત 8 દેશોમાં ભૂકંપ, હજારો લોકોએ ગુમાવ્યો જીવ

• ચીન સહિત 8 દેશોમાં ભૂકંપ
• ભારતીય રાજ્યોમાં 5.6ની તીવ્રતાનો ભૂકંપ
• જમ્મુ કાશ્મીર અને હરિયાણામાં ભૂકંપ

 ભારત, પાકિસ્તાન, ચીન સહિત 8 દેશોમાં ભૂકંપના ઝાટકા આવ્યા છે. અફઘાનિસ્તાનના હિંદૂ કુશ ક્ષેત્રમાં ભૂકંપનું કેન્દ્ર બિંદુ હોવાનું કહેવામાં આવી રહ્યું છે. 6.3ની તીવ્રતાનો ભૂકંપ હોવાનું કહેવામાં આવી રહ્યું છે. ભારતના પંજાબ, જમ્મુ કાશ્મીર અને હરિયાણામાં ભૂકંપના ઝાટકા આવ્યા છે. ભારતીય રાજ્યોમાં 5.6ની તીવ્રતાનો ભૂકંપ આવ્યો છે. આસપાસના દેશોમાં પણ ભૂકંપના ઝાટકા આવ્યા છે. તાજિકિસ્તાન, કિર્ગિસ્તાન, ઉઝ્બેકિસ્તાન સુધીમાં ભૂકંપના ઝાટકા આવ્યા છે. 

ભૂકંપની અપડેટ આપનાર સંસ્થા EMSCએ જણાવ્યું કે, સ્થાનિક સમય અનુસાર સવારે 10.19 વાગ્યે અફઘાનિસ્તાનના ફૈજાબાદથી 70 કિમી પૂર્વ-દક્ષિણ પૂર્વમાં 5.9ની તીવ્રતાનો ભૂંકપ આવ્યો હતો. તુર્કીના કાહરામૈનમારસના 24 કિલોમીટર દક્ષિણમાં પણ 3.6ની તીવ્રતાનો ભૂકંપ આવ્યો હતો. પાકિસ્તાનના ઈસ્લામાહાદ, ખૈબર પખ્તૂનવા, પાકિસ્તાનના પંજાબ તથા અન્ય પ્રાંતમાં પણ ભૂકંપ આવ્યો છે. 

તુર્કીમાં ભૂકંપ
તુર્કીના દક્ષિણ પૂર્વમાં સીરિયન સીમા પર 7.7 અને 7.6ની તીવ્રતાનો ભૂકંપ આવ્યો હતો. જેના કારણે મોટા સ્તરે જાનમાલને નુકસાન થયું હતું. ભૂકંપનું કેન્દ્ર ગાજિયાંટેપથી 37 કિમી દૂર પશ્ચિમ-ઉત્તર પશ્ચિમમાં હતું. આ ભયંકર ભૂકંપ આવવાને કારણે તુર્કીમાં 60 હજારથી વધુ લોકોએ જીવ ગુમાવ્યો છે. ભૂંકપના કારણે તુર્કી 80 સેકન્ડ સુધી હલતુ રહ્યું હતું. ઈમારતો પત્તાની જેમ પડી ભાંગી હતી. આ ભૂકંપને કારણે તુર્કીને 118 અરબ ડોલરથી વધુ નુકસાન થયું હતું. 

નેપાળમાં ભૂકંપ
નવેમ્બર 2022માં નેપાળમાં 5.7ની તીવ્રતાનો ભૂંકપ આવ્યો હતો. ભારતના અનેક રાજ્યોમાં ભૂકંપના ઝાટકા અનુભવાયા હતા. 9 નવેમ્બરના રોજ દોતી જિલ્લામાં ભૂકંપ આવતા 6 લોકોએ જીવ ગુમાવ્યો હતો. વર્ષ 2015માં આવેલ ભૂંકપને કારણે 9 હજાર લોકોએ જીવ ગુમાવ્યો હતો.