રાજધાની / દિલ્હી-NCR માં ભૂકંપના આંચકા અનુભવાયા, રિક્ટર સ્કેલ પરની તીવ્રતા 4.2 મપાઈ 

• રાષ્ટ્રીય રાજધાની ક્ષેત્ર અને દિલ્હીમાં ભૂકંપ 
• માહિતી પ્રમાણે આંચકાની તીવ્રતા 4.2ની આસપાસ 
• કોઈ જાનહાનિ ને નુકસાનના સમાચાર નહિ 

કાલે રાત્રે 11.45 વાગ્યે દિલ્હીમાં ભૂકંપ આવ્યો હતો. સમાચાર એજન્સી ANI અનુસાર, દિલ્હીના કેટલાક ભાગોમાં આંચકા અનુભવાયા હતા. મળતી માહિતી મુજબ, NCRમાં આ ધરતીકંપની તીવ્રતા રિક્ટર સ્કેલ પર 3.3 માપવામાં આવી હતી. હાલમાં જો કે કોઈ નુકસાનના સમાચાર નથી.

મહત્વનું છે કે આ મહિનાની શરૂઆતમાં, દિલ્હી-NCR માં ભૂકંપ આવ્યો હતો, જેનું કેન્દ્ર ગાઝિયાબાદ હતું. 2 ડિસેમ્બરે  દિલ્હી-NCRમાં 2.7 ની તીવ્રતા સાથે ભૂકંપ ના આંચકા અનુભવાયા હતા.

લોકડાઉન લાગૂ થયા બાદથી 10થી વધુ ભૂકંપના આંચકા 

જ્યારથી લોકડાઉન થયું ત્યારથી જ દિલ્હીમાં 10 થી વધુ ભૂકંપ આવ્યા છે અને તેમનું કેન્દ્ર NCRની આસપાસ પણ રહ્યું છે. થોડા સમય પહેલા વૈજ્ઞાનિકો એ હિમાલયમાં મોટા ભૂકંપ ની આગાહી કરી હતી અને કહ્યું હતું કે હિમાલયની શ્રેણીમાં સાથે કોઈપણ સમયે મોટો ભૂકંપ આવી શકે છે. રિક્ટર સ્કેલ પર તેની તીવ્રતા આઠ અથવા તેથી વધુ હોઇ શકે છે.

Earthquake tremors felt in parts of Delhi. pic.twitter.com/npGfEwuvaN

— ANI (@ANI) December 17, 2020

વૈજ્ઞાનિકો દાવો કરે છે કે હિમાલયની આજુબાજુની ગીચ વસ્તીવાળા દેશોમાં તે મોટા પાયે વિનાશ લાવી શકે છે અને રાજધાની દિલ્હીમાં પણ તેનો અસર પડી શકે છે. જો કે, આ ભૂકંપ ક્યારે આવશે, તેનો હજી અંદાજ નથી. વૈજ્ઞાનિકો માને છે કે તેઓ આવતા 100 વર્ષમાં આવે તેવી અપેક્ષા છે.

અગાઉના સંશોધનમાં પણ આવા દાવા કરવામાં આવ્યા હતા

કોલકાતાની ભારતીય વિજ્ઞાન  શિક્ષણ અને સંશોધન સંસ્થાના અર્થ સાયન્સ વિભાગના પ્રોફેસર સુપ્રિયા મિત્ર પણ આ સંશોધનને યોગ્ય માનતા હોય છે. મિત્રાના મતે અગાઉના કેટલાક સંશોધનોએ પણ આ તરફ ધ્યાન દોર્યું છે. જો કે, આટલો તીવ્ર ભૂકંપ ક્યારે આવશે તે અનુમાન લગાવવું અશક્ય છે. તેમણે જણાવ્યું હતું કે, અગાઉના અભ્યાસનું મૂલ્યાંકન સેટેલાઇટની ઇમેજના આધારે કરવામાં આવ્યું હતું, પરંતુ આ સંશોધનમાં પ્રાગૈતિહાસિક ભૂકંપ ના સમય અને કદને ભૂસ્તરશાસ્ત્રના આધારે વ્યાખ્યાયિત કરવામાં આવ્યા છે.

દિલ્હીમાં પણ અનુભવાઈ શકે છે ભૂકંપ 

સંશોધન મુજબ ભૂકંપ એટલા તીવ્ર હશે કે ધરતીકંપના આંચકા હિમાલયની દક્ષિણે રાજધાની દિલ્હીમાં લાગશ. ઉત્તર ભારતમાં છેલ્લા છ મહિનામાં ઘણા હળવા ભૂકંપ આવ્યા છે, જે હિમાલયના ક્ષેત્રમાં મોટા ભૂકંપ ની સંભાવનાને આધાર આપે છે. વૈજ્ઞાનિકો ના જણાવ્યા પ્રમાણે આવા ઘણા નાના ભૂકંપ મોટા વિનાશની નિશાની છે.