કચ્છની ધરા ફરી ધ્રૂજતા લોકોમાં ફફડાટ મચી જવા પામ્યો હતો. ભચાઉ અને આસપાસના વિસ્તારોમાં ભૂકંપનો આંચકો અનુભવાયો હતો. મળતી માહિતી અનુસાર ભૂકંપનું કેન્દ્ર બિંદુ ભચાઉથી 6 કિલોમીટર દૂર હોવાનું નોંધાયું છે.
કચ્છના ભચાઉમાં આજે બપોરના સમયે ભૂકંપનો આંચકો અનુભવાયો હતો. રિક્ટર સ્કેલ પર ભૂકંપના આંચકાની તીવ્રતા 4.2 નોંધાઇ હતી. ભૂકંપને લઇને આ વિસ્તારના લોકોમાં ડર ફેલાયો હતો. લોકો ઘરની બહાર દોડી આવ્યા હતા. પોણા ત્રણ વાગ્યે ભચાઉથી 6 કિલોમીટર દૂર ભૂકંપનું કેન્દ્ર બિંદુ નોંધાયું છે.
કચ્છમાં 5 ફોલ્ટ લાઇનો આવેલી છે જેના કારણે અહીં વારંવાર ભૂકંપના આંચકા અનુભવાય છે. જેમાં વાગડ ફોલ્ટ લાઇન સૌથી વધુ સક્રિય માનવામાં આવ છે. મહત્વનું છે કે કચ્છના ભુજ અને ભચાઉ આસપાસ અવાર નવાર ભૂકંપના આંચકા નોંધાતા હોય છે.