ગુજરાતમાં ભૂંકપના આંચકાઓનો સિલસિલો જામી પડ્યો છે ત્યારે આજરોજ ફરીવાર કચ્છમાં ભૂંકપનો આંચકો અનુભવાયો હતો. આ આંચકાની તિવ્રતા રિક્ટર સ્કેલ પર 3.6 ની માપવામાં આવી હતી.
કચ્છમાં ભૂકંપનો આંચકો
રિક્ટર સ્કેલ પર 3.6 ની તીવ્રતા નોંધાઇ
રાપર નજીક આંચકો નોંધાયો
ગુજરાત સિસ્મોલોજી ડિપાર્ટમેન્ટ મુજબ રાપરથી 27 કિમી દૂર 23.8 કિમીની ડેપ્થમાં કેન્દ્ર બિંદુ નોંધાયું હતું. નોંધનીય છે કે, થોડા સમય પહેલા પણ ભૂકંપનો તીવ્ર આંચકો આવતા સ્થાનિકો ઘરની બહાર દોડી આવ્યા હતા. આ આંચકાનું એપી સેન્ટર પણ 2001માં આવેલા મહા ભયાનક ભૂકંપના એપીસેન્ટર વાળું જ હતું.
જામનગરમાં ગત મહિને અનુભવાયા 24 ભૂકંપના આંચકા
જામનગર જિલ્લામાં છેલ્લા કેટલાય સમયગાળાથી ભૂકંપના આંચકા યથાવત છે. જામનગરમાં ગત મહિનામાં ભૂકંપના 24 આંચકા અનુભવાયા હતા. તો બે દિવસ અગાઉ જામનગરમાં દિવસ દરમિયાન ભૂકંપના 3 આંચકા આવ્યાં હતા. આ ભૂકંપની તિવ્રતા 3.2, 2.4, અને 2.4ની નોંધાઇ હતી. જામનગરના કાલાવડ નજીક ભૂકંપનું કેન્દ્રબિંદુ નોંધાયું હતું.