BIG NEWS / મલેશિયા અને ફિલિપાઈન્સમાં આવ્યો જોરદાર ભૂકંપ, રિક્ટર સ્કેલ પર નોંધાઈ 6.8 અને 6.4ની તીવ્રતા

આજકાલ ઉત્તર ભારત સહિત ભારતીય ઉપખંડમાં ભૂકંપનું પ્રમાણ વધી રહ્યું છે. આજે મલેશિયામાં જોરદાર ભૂકંપ આવ્યો હતો. આ ભૂકંપ મલેશિયાની રાજધાની કુઆલાલમ્પૂરમાં સોમવારે રાત્રે નોંધાયો હતો.

6.8 અને 6.4 ની તીવ્રતા

નેશનલ સેન્ટર ફોર સિસ્મોલોજીના જણાવ્યા અનુસાર અહીં ભૂકંપની તીવ્રતા 6.8 માપવામાં આવી હતી. આ સાથે અન્ય એક સ્થળે ફિલિપિન્સના મનીલામાં ભૂકંપના ઝટકા અનુભવાયા હતા જ્યાં 6.4 ની તીવ્રતા નોંધાઈ હતી. નેશનલ સેન્ટર ફોર સિસ્મોલોજીએ ભૂકંપની પુષ્ટિ કરી હતી.

Earthquake of magnitude 6.8 occurred today, March 14 around 02:39:27 IST at 504km SW of Kuala Lumpur, Malaysia. In another incident, 6.4 magnitude earthquake occurred at 157km WSW of Manila, Philippines: National Center for Seismology

— ANI (@ANI) March 13, 2022

ભૂકંપ આવે ત્યારે શું કરવું અને શું ન કરવું જોઈએ?

ભૂકંપના ઝટકા અનુભવાય ત્યારે એકદમ ગભરાવવું નહીં, સૌથી પહેલ આપ કોઈ પણ બિલ્ડીંગમાં હોવ તો, ત્યાંથી બહાર નિકળી ખુલ્લામાં આવી જાવ. બિલ્ડીંગની નીચે ઉતરતા લિફ્ટનો ક્યારેય પણ ઉપયોગ કરવો નહીં. ભૂકંપના સમયે તે ખતરનાક સાબિત થઈ શકે છે. તો વળી જો બિલ્ડીંગની નીચે ઉતરવાનું શક્ય ન હોય તો, પછી આજૂબાજૂના કોઈ મેજ, ઉંચી ચોકી અથવા બેડની નીચે છુપાઈ જાવ.

-ભૂકંપના ઝટકા જેવા આવે તુરંત વાર કર્યા વગર ઓફિસ કે ઘરની બહાર નિકળી જવું.
-વીજળીના થાંભલા, ઝાડ અને ઉંચી ઈમારતથી દૂર ઉભા રહેવુ.
-ઘર કે ઓફિસ બહાર જતી વખતે લીફ્ટનો ઉપયોગ ન કરવો, સીડીનો ઉપયોગ કરવો.
-ઘર આસપાસ જો મેદાન ન હોય તો એવી જગ્યા શોધો જ્યા છૂપાઈને બેસી શકાય.
-ભૂકંપ આવે ત્યારે ખાસ કરીને ઘરમાં રહેલી ભારે વસ્તુથી દૂર રહેવું.
-ઘરમાં રહેલા ભારે સામાન અને કાચથી દૂર રહેવુ જેથી વાગવાની શક્યતા ન રહે.
-ભાગવાનો સમય ન મળે તો ટેબલ, પલંગ, ડેસ્ક જેવી મજબૂત જગ્યા નીચે ઘૂસી જવું.
-દરવાજા હોય ત્યા ન ઉભા રહેવું જેથી દરવાજો ખુલે કે પડે તો વાગે નહીં.
 

ભૂકંપ કેમ આવે છે ?

આપણે એકદમ સ્થિર ધરતી પર રહેવા ટેવાયેલા હોવાથી, ધરતી ધ્રૂજવા લાગે ત્યારે, મન ગભરાયેલા કબૂતરની જેમ ફફડી ઊઠે છે. ત્યારે ઘણી વખત સવાલ થાય છે આખરે ભૂકંપ કેમ આવે છે? કેટલાંક જાણે છે તો કેટલાંક પાસે અધૂરી માહિતી હોય છે. EK Vaat Kau વીડિયોમાં સરળ ભાષામાં સમજો કે આખરે ભૂકંપ કેવી રીતે આવે છે અને તેનું માપન કેવી રીતે થાય છે?