કતરા / જમ્મુ કાશ્મીરમાં ધ્રુજી ઉઠી ધરતી, મોડી રાત્રે આવ્યો ભૂકંપ, રિક્ટર સ્કેલ પર 3.9 નોંધાઈ તીવ્રતા

• જમ્મુ કાશ્મીરનાં કતરામાં મોડી રાત્રે ધરતી કંપ
• રાત્રે 2 વાગીને 20 મિનિટે ભૂકંપનાં અનુભવાયા ઝટકા
• 3.9 જેટલી નોંધાઈ તીવ્રતા

જમ્મુ કાશ્મીરનાં કતરામાં સોમવારે મોડી રાત્રે ધરતી કંપનાં કારણે લોકોમાં ભયનો માહોલ ફેલાઈ ગયો છે. જમ્મુ કાશ્મીરનાં કતરામાં લોકોએ અડધી રાત્રે ભૂકંપનાં આંચકા અનુભવ્યાં હતા. જાણકારી અનુસાર રાત્રે 2 વાગીને 20 મિનિટે ભૂકંપનાં ઝટકા અનુભવાયા હતા અને તેનાં કારણે આસપાસનાં વિસ્તારોમાં લોકો ગભરાઈ ગયા હતા.

તીવ્રતા 3.9 જેટલી નોંધાઈ

રિક્ટર સ્કેલ પર ભૂકંપની તીવ્રતા 3.9 જેટલી નોંધાઈ હતી. ભૂકંપ જમ્મુ કાશ્મીરનાં કતરાથી પૂર્વ તરફ 61 કિલોમીટર દૂર નોંધાયો હતો. 

An earthquake of magnitude 3.9 occurred 61km East of Katra, Jammu & Kashmir, at around 2:20 am today. The depth of the earthquake was 10 km below the ground: National Center for Seismology pic.twitter.com/vdBvk4DhSM

— ANI (@ANI) August 22, 2022

આ અગાઉ રવિવારે ભારતમાં ભૂકંપનાં ઝટકા અનુભવાયા હતા અને સોમવારે રાજસ્થાનના  બિકનર્મ ભૂકંપનાં ઝટકાઓએ લોકોની ઊંઘ ઉડાડી દીધી હતી. નેશનલ સેન્ટર ફોર સિસ્મોલોજી અનનુસર બિકાનેરમાં આવેલ ભૂકંપની તીવ્રતા 4.1 હતી જે મોડી રાત્રે આવ્યો હતો. 

તો ગયા અઠવાડિયે ઉત્તરપ્રદેશમાં પણ ભૂકંપ આવ્યો હતો. લખનૌમાં 5.2 ની તીવ્રતાનાં ઝટકાથી લોકો બેબાકળા બની ગયા હતા. આ ભૂકંપનાં કારણે કોઈ જાનહાનિ થવા પામી નહોતી. 

ભૂકંપ આવે તો શું કરવું ?

• ભૂકંપના ઝટકા જેવા આવે તુરંત વાર કર્યા વગર ઓફિસ કે ઘરની બહાર નિકળી જવું.
• વીજળીના થાંભલા, ઝાડ અને ઉંચી ઈમારતથી દૂર ઉભા રહેવુ.
• ઘર કે ઓફિસ બહાર જતી વખતે લીફ્ટનો ઉપયોગ ન કરવો, સીડીનો ઉપયોગ કરવો.
• ઘર આસપાસ જો મેદાન ન હોય તો એવી જગ્યા શોધો જ્યા છૂપાઈને બેસી શકાય.
• ભૂકંપ આવે ત્યારે ખાસ કરીને ઘરમાં રહેલી ભારે વસ્તુથી દૂર રહેવું.
• ઘરમાં રહેલા ભારે સામાન અને કાચથી દૂર રહેવુ જેથી વાગવાની શક્યતા ન રહે.
• ભાગવાનો સમય ન મળે તો ટેબલ, પલંગ, ડેસ્ક જેવી મજબૂત જગ્યા નીચે ઘૂસી જવું.
• દરવાજા હોય ત્યા ન ઉભા રહેવું જેથી દરવાજો ખુલે કે પડે તો વાગે નહીં.

ભૂકંપ કેમ આવે છે ?

આપણે એકદમ સ્થિર ધરતી પર રહેવા ટેવાયેલા હોવાથી, ધરતી ધ્રૂજવા લાગે ત્યારે, મન ગભરાયેલા કબૂતરની જેમ ફફડી ઊઠે છે. ત્યારે ઘણી વખત સવાલ થાય છે આખરે ભૂકંપ કેમ આવે છે? કેટલાંક જાણે છે તો કેટલાંક પાસે અધૂરી માહિતી હોય છે. આવામાં આજના EK Vaat Kau વીડિયોમાં સરળ ભાષામાં સમજો કે આખરે ભૂકંપ કેવી રીતે આવે છે અને તેનું માપન કેવી રીતે થાય છે?