ધ્રુજી ધરતી / જમ્મુ કાશ્મીરમાં ફરી એક વખત ભૂકંપનાં આંચકા, આ વખતે રિક્ટર સ્કેલ પર 3.2 ની તીવ્રતા

• જમ્મુ કાશ્મીરમાં વહેલી સવારે ભૂકંપ 
• 3.2 ની તીવ્રતાથી આવ્યો ભૂકંપ 
• કોઈ જાનમાલનું નુકસાન નહીં 

કાશ્મીરમાં બુધવારે સવારે ભૂકંપના આંચકા અનુભવાયા હતા. નેશનલ સેન્ટર ફોર સિસ્મોલોજી અનુસાર, આજે સવારે 5.43 વાગ્યે પહેલગામથી 15 કિમી દક્ષિણ-દક્ષિણપશ્ચિમ વિસ્તારમાં રિક્ટર સ્કેલ પર 3.2ની તીવ્રતા ધરાવતો ભૂકંપ આવ્યો હતો. ભૂકંપના આંચકા અનુભવાતા લોકો ઘરની બહાર આવી ગયા હતા. ભૂકંપના કારણે જાન-માલને કોઈ ખતરો થયો હોવાના કોઈ અહેવાલ નથી.

ગુલમર્ગમાં ભૂકંપના આંચકા
આ અગાઉ 10 ફેબ્રુઆરીએ રાજ્યના પર્યટન સ્થળ ગુલમર્ગમાં ભૂકંપના આંચકા અનુભવાયા હતા. પછી તેની તીવ્રતા 3.8 માપવામાં આવી હતી. આ સિવાય 5 ફેબ્રુઆરીએ પણ ભૂકંપના આંચકા અનુભવાયા હતા. તે સમયે તેની તીવ્રતા 5.7 માપવામાં આવી હતી. જમ્મુ વિભાગના ઉધમપુર, ડોડા, કિશ્તવાડ, પૂંચ તેમજ કાશ્મીર ખીણમાં ભૂકંપના આંચકા અનુભવાયા હતા.

ભૂકંપના ઝટકા અનુભવાયા બાદ કેટલીય જગ્યા પર લોકો ઘરમાંથી બહાર નિકળી ગયા હતા. દિલ્હી એનસીઆરના નોઈડામાં લોકોએ ભૂકંપના ઝટકા અનુભવ્યા હતા. જમ્મુના કેટલાય જિલ્લામાં પણ લોકોએ કંપન અનુભવ્યું હતું.

An earthquake of magnitude 3.2 occurred 15 km South-Southwest of Pahalgam, Jammu and Kashmir at around 5.43 am today, as per National Center for Seismology.

— ANI (@ANI) February 16, 2022

દેશમાં એક વર્ષમાં 965 નાના-મોટા ભૂકંપ આવ્યા
નેશનલ સેન્ટર ફોર સિસ્મોલોજીના ડેટા અનુસાર, 1 જાન્યુઆરી, 2020 થી 31 ડિસેમ્બર, 2020 વચ્ચે દેશમાં કુલ 965 નાના અને મોટા ભૂકંપ નોંધાયા હતા. જો કે રાહતની વાત એ છે કે આમાંથી મોટાભાગના ભૂકંપની તીવ્રતા ઓછી હતી, જેના કારણે કોઈ મોટી તબાહી થઈ નથી.

ભૂકંપ આવે ત્યારે શું કરવું શું ન કરવું જોઈએ

ભૂકંપના ઝટકા અનુભવાય ત્યારે એકદમ ગભરાવવું નહીં, સૌથી પહેલ આપ કોઈ પણ બિલ્ડીંગમાં હોવ તો, ત્યાંથી બહાર નિકળી ખુલ્લામાં આવી જાવ. બિલ્ડીંગની નીચે ઉતરતા લિફ્ટનો ક્યારેય પણ ઉપયોગ કરવો નહીં. ભૂકંપના સમયે તે ખતરનાક સાબિત થઈ શકે છે. તો વળી જો બિલ્ડીંગની નીચે ઉતરવાનું શક્ય ન હોય તો, પછી આજૂબાજૂના કોઈ મેજ, ઉંચી ચોકી અથવા બેડની નીચે છુપાઈ જાવ.

-ભૂકંપના ઝટકા જેવા આવે તુરંત વાર કર્યા વગર ઓફિસ કે ઘરની બહાર નિકળી જવું.
-વીજળીના થાંભલા, ઝાડ અને ઉંચી ઈમારતથી દૂર ઉભા રહેવુ.
-ઘર કે ઓફિસ બહાર જતી વખતે લીફ્ટનો ઉપયોગ ન કરવો, સીડીનો ઉપયોગ કરવો.
-ઘર આસપાસ જો મેદાન ન હોય તો એવી જગ્યા શોધો જ્યા છૂપાઈને બેસી શકાય.
-ભૂકંપ આવે ત્યારે ખાસ કરીને ઘરમાં રહેલી ભારે વસ્તુથી દૂર રહેવું.
-ઘરમાં રહેલા ભારે સામાન અને કાચથી દૂર રહેવુ જેથી વાગવાની શક્યતા ન રહે.
-ભાગવાનો સમય ન મળે તો ટેબલ, પલંગ, ડેસ્ક જેવી મજબૂત જગ્યા નીચે ઘૂસી જવું.
-દરવાજા હોય ત્યા ન ઉભા રહેવું જેથી દરવાજો ખુલે કે પડે તો વાગે નહીં.